كۇز – جەمىس-جيدەكتىڭ ءپىسىپ، اعزانى پايدالى دارۋمەندەرمەن بايىتاتىن شاق. كۇن رايى سالقىنداي باستايتىن وسى شاقتا قىسقا دايىندىق رەتىندە يممۋنيتەتتى كوتەرەتىن، دەنساۋلىققا پايداسى مول كوكونىستەردى جەگەن ءجون. اسىرەسە، بۇل ماۋسىمدا اس مازىرىندە كەلەسى كوكونىستەر ءتىزىمى بولسا، قۇبا-قۇپ.
اسقاباق. بۇل كوكنىستىڭ قۇرامىندا بەتا-كاروتين كوپ، ول ماڭىزدى ا دارۋمەنىن بولەدى. تەرىنى قالپىنا كەلتىرىپ، ونى جازۋدا بۇل دارۋمەننىڭ پايداسى كوپ. سونىمەن قاتار، اسقاباق جۇرەك-قان تامىرلارى جۇيەسىنىڭ دۇرىس جۇمىس ىستەۋى ءۇشىن دە قاجەت. اسقاباقتى قايماق، تابيعي يوگۋرت نەمەسە ريكوتتامەن ۇيلەستىرىپ قولدانسا بولادى.
قىزىلشا. بۇل كوكونىس اسقازان-ىشەك جولدارىنا وتە جاقسى اسەر ەتەدى، سونىمەن بىرگە قاتەرلى ىسىك كلەتكالارىنىڭ ءوسۋىن تەجەيدى. قىزىلشا كوگنيتيۆتىك فۋنكسيالارعا جاقسى اسەر ەتەدى – ادام ميىنىڭ جۇمىسىن جاقسارتاتىن قاسيەتكە يە. بۇل كوكونىستى ءزايتۇن جانە كۇنجىت مايلارىمەن، سونداي-اق، كەز كەلگەن شوپتەرمەن جانە دامدەۋىشتەرمەن ۇيلەستىرىپ جەسە بولادى.
ورامجاپىراق. بۇل كوكونىستىڭ باستى قۇندىلىعى ونىڭ كۇشتى انتيوكسيدانت – س دارۋمەنىنە باي كەلەتىنىندە. سونىڭ ارقاسىندا ول اعزاداعى حولەستەرين دەڭگەيىن ازايتىپ، قان قىسىمىن رەتتەپ، ىشەكتەرگە جاقسى اسەر ەتەدى. شيكى ورامجاپىراقتى باسقا دا قىتىرلاق كوكونىستەرمەن ۇيلەستىرۋگە بولادى، سونىمەن بىرگە ماي، شوپتەر جانە ىرىمشىكپەن پىسىرۋگە بولادى.
بايالدى
كوكشىل-كۇلگىن تۇستەس بولىپ كەلەتىن بۇل كوكونىس قانداعى قانت مولشەرىن تۇسىرەتىن جاسۇنىقتار مەن پوليفەنولاعا باي. ونىڭ ۇستىنە، كالورياسى از بايالدىنىڭ وزىنە ءتان ەرەكشە ءدامى بار. ونى ءزايتۇن مايىمەن، سونىمەن بىرگە ىرىمشىكپەن، سارىمساقپەن جانە كوك دامدەۋىشتەرمەن قولدانۋعا بولادى.
بۇرىش
ءتاتتى بۇرىش - س،ە،ك جانە ا دارۋمەندەرىنىڭ نەگىزگى كوزى. وسىلايشا، ول قاننىڭ جاقسى ۇيىعىشتىعىنا اسەر ەتەدى، بۇلشىق ەتتەردى، سۇيەكتى ، ءتىپتى جۇيكە جۇيەسىن نىعايتادى. مۇنى ىرىمشىك ونىمدەرىمەن، ەتپەن جاقسى ۇيلەستىرىپ قولدانۋعا بولادى.
دەرەكتەر ينتەرنەت جەلىسىنەن الىندى.