اۋدان بويىنشا تۇراقتى سۋ باساتىن 12 ۋچاسكە انىقتالدى.
جاۋىن-شاشىن جاۋعان كەزدە كوشەلەردى سۋ باسۋ ماسەلەسى بۇگىنگى كۇنى دە وزەكتى بولىپ وتىر، دەپ حابارلايدى Almaty-akshamy.kz
انىقتاما: رايىمبەك داڭعىلى انوسوۆتان ارەنسكييگە دەيىن، رايىمبەك داڭعىلى، روسىباكييەۆ كوشەسىنىڭ بۇرىشى، ماقاتايەۆ كوشەسى قوجامقۇلوۆ كوشەسىنەن جۇمالييەۆ كوشەسىنە دەيىن، مەحانيچەسكايا كوشەسى، نازاربايەۆ داڭعىلىمەن قيىلىسى،ايتەكە بي، پانفيلوۆ كوشەسىنىڭ قيىلىسى، ايتەكە بي، ءابىلقايىر حان داڭعىلى، ايتەكە بي، جەلتوقسان، ماقاتايەۆ، ماسانچي كوشەلەرى.
اتالعان ۋچاسكەلەردى سۋ باسۋ ماسەلەسى اعىمداعى جىلدىڭ قاراشا ايىندا تج جەلىسى بويىنشا شەشىلەتىن بولادى. بۇگىندە جۇمىستار تولىق قارقىنمەن جۇرگىزىلۋدە. ماقاتايەۆ كوشەسىنىڭ بويىنداعى 3،6 شاقىرىم كوللەكتوردى قالپىنا كەلتىرۋ، 2،3 شاقىرىم ارىق جەلىلەرىن جانە رايىمبەك داڭعىلىنىڭ بويىنداعى 1،6 شاقىرىم كانال سالۋ كوزدەلگەن.
بۇدان باسقا، اعىمداعى جىلدىڭ كۇزىندە 52 ۋچاسكەدە 34 شاقىرىم ارىق جەلىسىن قايتا قۇرۋ جانە سالۋ بويىنشا ۇلكەن جۇمىس باستالادى، ول 2024 جىلدىڭ سوڭىنا دەيىن جۇرگىزىلەتىن بولادى. بۇگىنگى تاڭدا مەردىگەردى انىقتاۋ ءۇشىن كونكۋرستىق ءراسىم جۇرگىزىلۋدە.