عىلىمي زەرتتەۋلەر جۇرگىزىلۋدە
كۇتىم بالىعى قازاقستاننىڭ قىزىل كىتابىنان شىعارىلۋى مۇمكىن. بۇل جايىندا ءماجىلىس دەپۋتاتتارىنىڭ ساۋالىنا ق ر ەكولوگيا، گەولوگيا جانە تابيعي رەسۋرستار ءمينيسترىنىڭ مىندەتىن اتقارۋشى ءاليا شالابەكوۆانىڭ جاۋابىندا ايتىلعان، دەپ حابارلايدى Almaty-akshamy.kz قازاقپارات-قا سىلتەمە جاساپ.
«وسىمدىكتەر مەن جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن تۇرلەرiنiڭ تiزبەسiن بەكiتۋ تۋرالى» ق ر ۇكىمەتىنىڭ 2006 جىلعى 31 قازانداعى № 1034 قاۋلىسىمەن كۇتىم بالىعى سيرەك كەزدەسەتىن جانە قۇرىپ كەتۋ ءقاۋپى تونگەن جانۋارلار تۇرلەرىنىڭ تىزبەسىنە ەنگىزىلگەن»، -دەدى ول جاۋابىندا.
ونىڭ اتاپ وتۋىنشە، «جانۋارلار دۇنيەسىن قورعاۋ، ءوسىمىن مولايتۋ جانە پايدالانۋ تۋرالى» ق ر زاڭىنىڭ 3-بابىنىڭ 2-تارماعىنا سايكەس جانۋارلار تۇرلەرiن ساناتتارعا جاتقىزۋ جانە ولاردى بiر ساناتتان باسقاسىنا اۋىستىرۋ جانۋارلار دۇنيەسiنiڭ ءتۇرلiك سانالۋاندىعىن ساقتاۋ، ولاردى قورعاۋ، ءوسiمiن مولايتۋ جانە ورنىقتى پايدالانۋ ماقساتىندا بيولوگيالىق نەگىزدەمە نەگىزىندە ۆەدومستۆوارالىق زوولوگيالىق كوميسسيانىڭ ۇسىنىمى بويىنشا جۇرگiزiلەدi.
«ءوز كەزەگىندە، 2022 جىلدىڭ باسىنان بەرى «كاسپيي تەڭىزىنىڭ قازاقستاندىق بولىگىندەگى بيولوگيالىق رەسۋرستاردىڭ جاعدايىن باعالاۋ بويىنشا كەشەندى تەڭىز زەرتتەۋلەرىن جۇرگىزۋ» بيۋدجەتتىك باعدارلاماسى اياسىندا كاسپيي تەڭىزىندە ماماندىرىلعان عىلىمي ۇيىممەن ءتيىستى عىلىمي زەرتتەۋلەر جۇرگىزىلۋدە. ونىڭ ىشىندە كۇتىم بالىعىن تىزبەدەن شىعارۋ بويىنشا جۇمىستار قاراستىرىلعان جانە زەرتتەۋلەردى شىلدە ايىندا اياقتاۋ جوسپارلانىپ وتىر. عىلىمي ۇيىم ءتيىستى قورىتىندى ۇسىنعان جاعدايدا قولدانىستاعى زاڭناما اياسىندا مينيسترلىك كۇتىم بالىعىن تىزبەدەن شىعارۋ بويىنشا ءتيىستى شەشىمدەر قابىلدايتىن بولادى»، - دەدى ءاليا شالابايەۆا.