البانيا استاناسى تيرانادا قازاقستان ءىىم ينتەرپول ۇلتتىق ورتالىق بيۋروسىنىڭ سۇراۋى بويىنشا ءىرى كولەمدە الاياقتىق جاساعانى ءۇشىن حالىقارالىق ىزدەۋدە جۇرگەن قازاقستاندىق ازامات ۇستالىپ، قاماۋعا الىندى.
2023 جىلى ەر ادام الماتى قالاسىندا جەكە مەكتەپ اشىپ، جوعارى وقۋ ورىندارىنا ءتۇسۋ ءۇشىن اقىلى دايىندىق كۋرستارىن ۇسىنۋ ارقىلى 10 ازاماتتى الدادى. جالپى شىعىن 10،5 ملن تەڭگەنى قۇرادى، دەپ حابارلايدى aqshamnews.kz.
ءىىم الاياقتار وقىتۋ كۋرستارىن جارنامالاۋدا تومەن باعا، ەكسكليۋزيۆتى وقىتۋ ادىستەرى مەن ۇزدىك وقىتۋشىلار قۇرامىن ۇسىناتىنىن ەسكە سالادى.
الاياقتىق كۋرستاردىڭ نەگىزگى بەلگىلەرى: ليسەنزيا مەن رەسمي تىركەۋدىڭ بولماۋى؛ وقىتۋشىلار مەن باعدارلاما تۋرالى اشىق اقپارات جوق؛ كەلىسىمشارتسىز تولىق تولەمدى تالاپ ەتۋ؛ تاۋەلسىز پلاتفورمالاردا ۇسىنىم مەن پىكىرلەردىڭ بولماۋى.