مەنشىكتى ءوندىرىستىڭ تومەندەۋى جانە يمپورت ۇلەسىنىڭ جىلدار بويىنشا ديناميكادا 4-تەن 12% - عا دەيىن ۇلعايۋى بايقالادى.
سۋدىڭ جەتىسپەۋشىلىگىنە جانە شىعىنداردىڭ وسۋىنە بايلانىستى ەگىس القاپتارىنىڭ ادەيى تومەندەۋى بايقالادى.
بۇل ىشكى باعا ءوسىمىنىڭ جوعارى ديناميكاسىنىڭ باستى سەبەبى بولدى. ەگەر 2022 جىلى كۇرىش باعاسىنىڭ ءوسۋى 36%-دى قۇراسا، 2023 جىلى – 39%-دى قۇرادى، بۇل وتكەن جىلى 3،4%-دى قۇراعان الەۋمەتتىك ماڭىزى بار ازىق-تۇلىك تاۋارلارى باعاسىنىڭ ءوسۋىنىڭ جالپى دەڭگەيىنەن ايتارلىقتاي اسىپ تۇسەدى.
دەگەنمەن، ءوندىرىس كولەمىنىڭ تومەندەۋى مەن كۇرىش باعاسىنىڭ كوتەرىلۋىنىڭ تۇپكى سەبەپتەرى ساقتالۋدا. بۇل سۋارمالى سۋدىڭ جەتىسپەۋشىلىگى، اۋىل شارۋاشىلىعى تەحنيكاسى، تىڭايتقىشتار مەن سىرتتان اكەلىنەتىن قاپتاما باعاسىنىڭ كوتەرىلۋى، سۋبسيديالاردىڭ ۋاقىتىلى بەرىلمەۋى.
وسىعان وراي، مونوپولياعا قارسى ورگان اۋىل شارۋاشىلىعى مينيسترلىگىنە سۋبسيديالار ءبولۋ كەزىندە كۇرىشتى باسىم داقىلدار تىزىمىنە ەنگىزۋ، وڭتۇستىك وڭىرلەردى سۋمەن قامتاماسىز ەتۋدى جوسپارلاۋدى ۇيىمداستىرۋ، كۇرىش وندىرۋشىلەرىنە جەڭىلدەتىلگەن نەسيەلەندىرۋ ۇلەسىن ارتتىرۋ، كۇرىشتى بولشەك ساۋدا جەلىلەرىمەن تىكەلەي ساتىپ الۋ جانە تىڭايتقىشتار مەن قاپتاما ماتەريالدارىنىڭ وتاندىق ءوندىرىسىن دامىتۋ جونىندە ۇسىنىستار ەنگىزدى.