كۇرەس تۇرلەرىنەن قازاقستان چەمپيوناتىنىڭ ويىن كەستەسى جاريالاندى

ەل بىرىنشىلىگى 1-5 اقپان ارالىعىندا ەرەسەكتەر اراسىندا گرەك-ريم، ايەلدەر جانە ەركىن كۇرەستەن وتكىزىلەدى.

جارىس استانا قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا بولادى.  

1 اقپان. گرەك-ريم كۇرەسى - 55، 63، 72، 82 جانە 97 كەلى.
2 اقپان. گرەك-ريم كۇرەسى - 60، 67، 77، 87 جانە 130 كەلى.
3 اقپان - ايەلدەر كۇرەسى - 50، 53، 55، 57، 59، 62، 65، 68، 72 جانە 76 كەلى.
4 اقپان، ەركىن كۇرەس - 57، 65،74،86 جانە 92 كەلى.
5 اقپان. ەركىن كۇرەس - 61،70،79،97 جانە 125 كەلى.

جارىستىڭ سالتاناتتى اشىلۋى - 1 اقپان ەلوردا ۋاقىتىمەن ساعات 17.30-دا وتكىزىلەدى.

جارىستىڭ باستالۋى كۇن سايىن ساعات 10.30-عا بەلگىلەنگەن.

جارىستىڭ ءار كۇنىندە جەڭىمپازدار مەن جۇلدەگەرلەر كۇن ساعات 18.00-دا باستالاتىن سايىس بارىسىندا انىقتالادى.

ۇلتتىق بىرىنشىلىككە ەلىمىزدىڭ 17 وبلىسى مەن الماتى، استانا، شىمكەنت قالالارىنان كەلگەن بالۋاندار ءوزارا مىقتىنى انىقتايدى.

ەل بىرىنشىلىگىنىڭ ناتيجەسىننەن كەيىن بىشكەكتە (قىرعىزستان) وتەتىن ازيا ايماقتىق، ىستانبۇلدا (تۇركيا) وتەتىن الەمدىك ىرىكتەۋ تۋرنيرىندە ب ا ق سىنايتىن بالۋاندار ەسىمى بەلگىلى بولماق.

فەدەراسيانىڭ باسپا ءسوز مامانى اسپانديار ەسەنجولوۆتىڭ ايتۋىنشا، ەركىن كۇرەستەن الەم چەمپيوناتىنىڭ قولا جۇلدەگەرى ازامات داۋلەتبەكوۆ پەن گرەك-ريم كۇرەسىنەن قۇراما مۇشەسى نۇرسۇلتان تۇرسىنوۆ ەل چەمپيوناتىنان بوساتىلعان.

ەكەۋى دە پاريج وليمپياداسىنا جولداما الۋىنا بايلانىستى دايىندىققا كىرىستى.