پرەزيدەنت تمد-عا مۇشە مەملەكەتتەردىڭ قاۋىپسىزدىك ورگاندارى مەن ارناۋلى قىزمەتتەرىنىڭ باسشىلارىن قابىلدادى
قاسىم-جومارت توقايەۆ تمد ەلدەرى قاۋىپسىزدىك ورگاندارى مەن ارناۋلى قىزمەتتەرى باسشىلارى كەڭەسىنىڭ 55ء-شى وتىرىسىنا قاتىسۋشىلارمەن كەزدەستى، دەپ حابارلايدى aqshamnews.kz.
مەملەكەت باسشىسى بۇل الاڭنىڭ قاۋىپسىزدىك سالاسىنداعى كۇش-جىگەردى ۇيلەستىرۋ تەتىگى رەتىندە تانىلعانىن، سونداي-اق قازىرگىدەي كۇردەلى كەزەڭدە كەڭەستىڭ ءرولى بۇرىنعىدان دا ارتىپ كەلە جاتقانىن اتاپ ءوتتى.
پرەزيدەنت شۇعىل جانە ساراپتامالىق اقپاراتپەن دەر كەزىندە الماسۋ وڭىرلىك قاۋىپسىزدىككە تونەتىن قاۋىپتەر مەن سىن-قاتەرلەرگە قارسى تۇرۋ قابىلەتىن ارتتىرا تۇسۋگە جانە ەلدەرىمىزدىڭ ۇلتتىق مۇددەلەرىن قورعاۋ ءۇشىن ۇيلەستىرىلگەن تاسىلدەردى دايىنداۋعا ىقپال ەتەتىنىن ايتتى.
