بۇل اباي وبلىسىنىڭ اكىمى نۇرلان ۋرانحايەۆتىڭ ۇسىنىسى بولعان.
نۇرلان ۋرانحايەۆ كۋرچاتوۆ قالاسىنىڭ مارتەبەسى تۋرالى حابارلادى، دەپ حابارلايدى Almaty-akshamy.kz Semeynews.kz-كە سىلتەمە جاساپ.
«مەن كۋرچاتوۆ قالاسىنا عىلىمي قالا مارتەبەسىن بەرۋ قاجەتتىلىگىن اتاپ ءوتتىم. بۇل ۇسىنىستى مەن پرەزيدەنت قاسىم-جومارت كەمەل ۇلى توقايەۆپەن كەزدەسۋدە ايتتىم جانە قولداۋ الدىم. قولدا بار عىلىمي-تەحنيكالىق بازا مەن ادامي رەسۋرستار، تاجىريبە مەن جولعا قويىلعان حالىقارالىق ىنتىماقتاستىق وتاندىق عىلىمدى نىعايتۋدا نەگىز قالاۋشى فاكتور بولۋى ءتيىس دەپ سانايمىن»، - دەدى نۇرلان ۇرانحايەۆ قالا تۇرعىندارىمەن كەزدەسۋ بارىسىندا.
سونىمەن قاتار، وبلىس اكىمى كۋرچاتوۆتا جوعارى وقۋ ورىندارىنىڭ ءبىرىنىڭ فيليالىن اشۋ قاجەت دەپ ەسەپتەيدى.
«ەگەر قازاقستاندا ەلەكتر ستانسياسىنىڭ قۇرىلىسى باستالسا، ءتيىستى كادرلار قاجەت بولادى جانە ولاردى ءبىر جەردە دايىنداۋ كەرەك. ءبىزدىڭ ۇسىنىسىمىز – ءدال كۋرچاتوۆتا دايىنداۋ. مۇندا ءتيىستى بازا بار جانە ستۋدەنتتەر پراكتيكادان وتە الادى»، - دەپ اتاپ ءوتتى ن. ۋرانحايەۆ.