اۋا تەمپەراتۋراسى بىرتىندەپ جوعارىلايدى
"قازگيدرومەتتىڭ" مالىمەتىنە سايكەس، Almaty-akshamy.kz قازاقستان رەسپۋبليكاسى بويىنشا 2021 جىلدىڭ 15-17 ماۋسىمىنداعى اۋا رايى بولجامىن حابارلايدى.
«اتموسفەرالىق فرونتالدى بولىكتەردىڭ اسەرىنەن قازاقستاننىڭ باسىم بولىگىندە وتكىنشى جاڭبىر جاۋادى، نايزاعاي ويناپ، جەل كۇشەيەدى، ەلدىڭ وڭتۇستىگىنىڭ جەكەلەگەن اۋداندارىندا شاڭدى داۋىل تۇرادى. اۋا تەمپەراتۋراسى باتىستا، سولتۇستىك-باتىستا كۇندىز 30-40 گرادۋسقا دەيىن، سولتۇستىكتە 30-35 گرادۋسقا دەيىن، ەلدىڭ ورتالىعىندا، شىعىسى مەن وڭتۇستىك-شىعىسىندا 25-38 گرادۋسقا دەيىن، وڭتۇستىكتە 35-40 گرادۋسقا دەيىن بىرتىندەپ كوتەرىلەدى دەپ كۇتىلۋدە»، دەلىنگەن قازگيدرومەت رمك حابارلاماسىندا.