كۇنكورىس دەڭگەيى تومەن وڭىرلەردى تۇركىستان مەن ماڭعىستاۋ باستاپ تۇر

ەلىمىزدىڭ قاي وڭىرلەرىندە كۇنكورىس دەڭگەيى تومەن؟

ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ مالىمەتى بويىنشا، تابىسى ەڭ تومەنگى كۇنكورىس دەڭگەيىنىڭ شاماسىنا جەتپەيتىن حالىقتىڭ ۇلەسى 2021 جىلى 5،2 پايىزدى قۇرادى. ال 2020 جىلعى كورسەتكىش 5،3 پايىز بولعان، دەپ حابارلايدى Almaty-akshamy.kz Elorda.info سايتىنا سىلتەمە جاساپ.

2021 جىلى وڭىرلەر بولىنىسىندەگى كەدەيلىكتىڭ ەڭ جوعارى دەڭگەيى:

• تۇركىستان (9،8%)؛


• ماڭعىستاۋ (8،6%) وبلىستارىندا تىركەلدى.

ال ەڭ از ۇلەسى – نۇر-سۇلتان (2،2%) قالاسىندا. 

قالا جانە اۋىل تۇرعىندارى تابىسىنىڭ ەداۋىر سارالانۋى ساقتالعان. ماسەلەن، قالالىق جەردەگى تابىسى ەڭ تومەنگى كۇنكورىس دەڭگەيىنەن از حالىقتىڭ ۇلەسى 3،8%، ال اۋىلدىق جەردە 7،2%. 2021 جىلى كەدەيلىكتىڭ اۋىلدىق جانە قالالىق دەڭگەيلەرى اراسىنداعى ەڭ ۇلكەن ايىرماشىلىق اتىراۋ (9،1 ەسە) جانە ماڭعىستاۋ (4،3 ەسە) وبلىستارىندا بايقالدى.

«كەدەيلىك دەڭگەيى – ەڭ تومەنگى كۇنكورىس دەڭگەيىنىڭ شاماسىنان تومەن تابىسى بار (تۇتىنۋعا پايدالانىلعان)  حالىق سانىنىڭ حالىقتىڭ جالپى سانىنا شاققانداعى پايىزدىق قاتىناسى. ق ر بويىنشا 2021 جىلى جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى ورتا ەسەپپەن ايىنا 37 266 تەڭگەنى قۇرادى. بۇل رەتتە ءاربىر ءوڭىردىڭ ءوزىنىڭ ەڭ تومەنگى كۇنكورىس دەڭگەيى ەسەپتەلەدى»، – دەدى ۇلتتىق ستاتيستيكا بيۋروسىنىڭ ەڭبەك جانە تۇرمىس دەڭگەيى ستاتيستيكاسى دەپارتامەنتىنىڭ ديرەكتورى ناتاليا بەلونوسوۆا.