ادام كۇنىنە 9 000 - 10 000 قادام ءجۇرۋ ارقىلى ءولىم ءقاۋپىن ۇشتەن بىرگە ازايتا الادى.
اۋسترالياداعى سيدنەي ۋنيۆەرسيتەتىنىڭ زەرتەۋشىلەرى وسىنداي دەرەك كەلتىرىپ وتىر، دەپ حابارلايدى aqshamnews.kz.
قادام ارقىلى دەنساۋلىقتى جاقسارتۋ ءىسىن زەردەلەپ جۇرگەن ەپيدەميولوگ مەتيۋ احمادي كۇندەلىكتى ءجۇرۋ جۇرەك-قان تامىرى اۋرۋلارىنىڭ ءقاۋپىن كەم دەگەندە 20 پايىزعا تومەندەتەتىنىن ايتادى.
ولار جۇرگىزگەن زەرتتەۋگە 72 000 ادام قاتىسقان. وسى تاجىريبەنى جۇزەگە اسىرۋشىلاردىڭ ءبىرى نيۋ-يورك شتاتى مانحاسسەتتەگى فەينشتەين مەديسينالىق زەرتتەۋلەر ينستيتۋتىنىڭ فيزيكالىق جاتتىعۋلار جونىندەگى مامانى ەشلي گۋدۆين 2 مىڭ قادامنان جەدەل 10 مىڭ قادام جاساۋدىڭ قاجەتى جوق ەكەنىن اتاپ ءوتتى.
ول ءوزىنىڭ زەرتتەۋىندە قاتىسۋشىلاردى كۇندەلىكتى ورتاشا قادام سانىن 1 000 قادامنان كوبەيتۋگە شاقىرعان. بۇل ءتاسىل تيىمدىلىگىن 2020 جىلى جۇرگىزىلگەن 17 زەرتتەۋدە دە دالەلدەنگەن. 1 000 قادامنان ۇزدىكسىز قوسىپ وتىرۋ جۇرەك اۋرۋلارى مەن ءولىم ءقاۋپىن كەلەسى 4-6 جىل ىشىندە ازايتۋعا سەپتەسكەن.