ءقازىر ءماجىلىس دەپۋتاتتارى "جول ءجۇرىسى تۋرالى" زاڭدى قاراپ جاتىر.
ەندى كۇندىز كولىگىنىڭ جارىق شامىن قوسپاعان جۇرگىزۋشىلەرگە ايىپپۇل سالىنبايدى. بۇل تالاپتى ساقتاۋ – مىندەتتى ەمەس. دىبىس سيگنالىن پايدالانۋ قاعيدالارىن بۇزعاندار دا جاۋاپقا تارتىلمايدى. تەك ەسكەرتۋمەن شەكتەلەدى، دەپ حابارلايدى اlmaty-akshamy.kz.
ءقازىر ءماجىلىس دەپۋتاتتارى "جول ءجۇرىسى تۋرالى" زاڭدى قاراپ جاتىر. سونىڭ اياسىندا قۇجاتقا ءبىرقاتار وزگەرىستەر ەنگىزىلمەك.
ماسەلەن، سونىڭ ءبىرى وسى قالا اۋماعىندا كولىكتىڭ جارىق شامدارىن جاعىپ جۇرۋگە قاتىستى بولىپ وتىر. بۇرىن بۇل ەرەجەنى ساقتاماعاندار 3 ايلىق ەسەپتىك كورسەتكىش دەمەك، 11 076 تەڭگە كولەمىندە ايىپپۇل ارقالايتىن. بۇدان بىلاي تەك ەسكەرتۋ بەرىلەدى. ال تراسساعا قاتىستى بۇرىنعى تالاپتار ءوز كۇشىندە قالادى.
دەپۋتات سەرگەي پونوماريەۆ اكىمشىلىك قۇقىق بۇزۋشىلىق تۋرالى كودەكستىڭ جاڭا رەداكسياسىندا دەنساۋلىققا زيان كەلمەگەن جول كولىك وقيعاسى ءۇشىن جۇرگىزۋشى كۋالىگىنەن ايىرىلمايتىنىن ايتتى. ايتۋىنشا، اۆتوتۇراق اقىسىن تولەمەگەندەر دە جاۋاپكەرشىلىكتەن بوساتىلادى.
سونداي-اق، زاڭعا سايكەس، رۇقسات ەتىلگەن جىلدامدىقتى 60 شاقىرىمنان اسىرعان كولىك جۇرگىزۋشىلەرىنە جازا قاتاڭداتىلعالى وتىر. ولارعا 40 ايلىق ەسەپتىك كورسەتكىش، دەمەك 147 680 تەڭگە مولشەرىندە ايىپپۇل سالۋ كوزدەلگەن.
"بۇل نورمانىڭ زاڭ تالاپتارىن ساقتايتىن ازاماتتارعا قاتىسى جوق. ياعني، جىلدامدىقتى 10، 20، 30، 40 شاقىرىمعا اسىرۋ تۋرالى ەرەجە سول كۇيىندە قالادى. جتىم قاتتى اسىرعاندار ءۇشىن ءتارتىپ قاتاڭدايدى. ماسەلەن، قالاداعى شەكتەۋ ساعاتىنا 60 شاقىرىم بولسا، كەيبىر جۇرگىزۋشىلەر 120-عا دەيىن جىلدامدىقتى ارتتىرادى. مىنە، زاڭ وسىلارعا قاتىستى. تتالقىلانىپ جاتقاندىقتان، ناقتى قانداي ايىپپۇل سالىنارىن ايتا المايمىز. ول وزگەرۋى مۇمكىن"، – دەدى ق ر ىشكى ىستەر ءمينيسترىنىڭ ورىنباسارى يگور لەپەحا.