اqshamnews.kz رەداكسياسى "كۇن سانى" ايدارىندا اپتانىڭ ەڭ ماڭىزدى دەرەكتەرىنە شولۋ جاسادى.
1،4 ملن توننا قالدىق جينالدى
"تازا قازاقستان" اكسياسى اياسىندا بىلتىر جىل باسىنان بەرى بۇكىل ەل بويىنشا 1،4 ملن توننا قالدىق جينالىپ، ەلدى مەكەندەردە 2 ملن 400 مىڭنان اسا اعاش وتىرعىزىلدى. اكسياعا قاتىسۋشىلاردىڭ جالپى سانى شامامەن 9 ملن ادام، ونىڭ ىشىندە 448 مىڭى ەرىكتىلەر.
"تازا قازاقستان" باستاماسى تەك قوقىس جيناۋمەن نەمەسە اعاش وتىرعىزۋمەن شەكتەلمەيدى. بۇل الدەقايدا تەرەڭ جانە اۋقىمدى جوبا. ونىڭ باستى ماقساتى – قوعامدا ەكولوگيالىق ءبىلىم مەن مادەنيەتتى قالىپتاستىرۋ. ءبىزدىڭ باستى مىندەتىمىز – ءار ازاماتتىڭ، اسىرەسە جاس ۇرپاقتىڭ تابيعاتقا دەگەن كوزقاراسىن وزگەرتۋ"، – دەدى ق ر ەكولوگيا جانە تابيعي رەسۋرستار ۆيسە-مينيسترى مانسۇر وشۋربايەۆ وكق الاڭىندا وتكەن باسپا ءسوز كونفەرەنسياسىندا.
بيىل ەلىمىز بويىنشا 236 مەكتەپتەن 12 مىڭنان استام وقۋشى 36 مىڭ تۇقىم وتىرعىزدى.
1-سىنىپقا قابىلدانعان بالالاردىڭ 70%-ى قازاق تىلدە وقۋدى تاڭداعان
1 ساۋىردەن باستاپ 1-سىنىپقا قۇجات قابىلداۋ باستالدى.
وقۋ-اعارتۋ مينيسترلىگىنىڭ مالىمەتىنشە، بۇگىنگى كۇنگە دەي̆ءىن ەلىمىزدىڭ مەكتەپتەرىنە 273 643 بالا قابىلداندى، ولاردىڭ 70%-ى مەملەكەتتىك تىلدە وقۋدى تاڭداعان.
جىل باسىنان بەرى قازاقستان ەكونوميكاسى 6،2 پايىزعا ءوستى
قازاقستان ەكونوميكاسى وسى جىلعى قاڭتار-ماۋسىم ايلارىنىڭ قورىتىندىلارى بويىنشا 6،2%-عا جەتىپ، وڭ ءوسىمدى كورسەتتى. بۇل تۋرالى ۇكىمەت وتىرىسىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين باياندادى.
بۇل قارقىن - العاشقى بەس ايعا قاراعاندا 0،2%-عا جوعارى جانە كەيىنگى 14 جىلداعى ءجىو ءوسۋىنىڭ ەڭ جوعارى كورسەتكىشى. سالىستىرۋ ءۇشىن، بىلتىردىڭ ۇقساس كەزەڭىندە ءوسىم 3،2% بولدى.