كۇن رايى بۇدان كەيىن جىلي بەرەدى - بۇۇ

ىستىقتىڭ بەتى قايتپاي تۇر. وڭتۇستىك ەۋروپا ءوز تاريحىنداعى ەڭ ىستىق اپتانى باستان وتكەرىپ جاتىر.

اپتاپ ىستىقتان سولتۇستىك ازيا مەن سولتۇستىك امەريكا دا زارداپ شەگىپ جاتىر، دەپ حابارلايدى Almaty-akshamy.kz  قازاقپاراتقا سىلتەمە جاساپ. 

وڭتۇستىك ەۋروپا بۇرىن-سوڭدى بولماعان ىستىق كۇننىڭ استىندا قالدى. يسپانيادا تەرمومەتر باعانى تاڭنىڭ وزىندە 30 سەلسيي گرادۋسىنان اسسا، تۇستە 40-تان جوعارى بولادى. ىستىقتىڭ بەتى قايتپاي تۇرعانىنا بىرنەشە كۇن بولدى.

«وتە قيىن، سەبەبى سەن ءوزىڭدى ىستىقتان قورعاي المايسىڭ. سۋىقتا جىلى جەرگە تىعىلا الاسىڭ، ال ىستىقتا قولىڭنان ەشتەڭە كەلمەيدى»، - دەيدى تۇرعىنداردىڭ ءبىرى.

يسپانيانىڭ بىرنەشە ءوڭىرى ەكسترەمال تەمپەراتۋراعا دايىندالىپ وتىر.

ەكسترەمال اۋا رايى مەن كليمات بويىنشا مامان دجون نەرن بىلاي دەيدى:

«جاھاندىق تەمپەراتۋرا ءقازىر بۇرىنعىدان، 1980 جىلدارداعى ەل-نينوعا قاراعاندا جوعارى. ياعني، جاھاندىق ءۇردىس ءوسىپ كەلە جاتىر. سول سەبەپتى، ءبىز «ءبارى دۇرىس» دەپ ايتا الامىز با – بىلمەيمىن. كۇن رايى بۇدان كەيىن جىلي بەرەدى».

يتاليا «حارون» انتيسيكلونى سالدارىنان مەتەوباقىلاۋ تاريحىنداعى ەڭ ىستىق اپتانى باستاپ وتكەرىپ جاتىر. اپپەننيننىڭ ونداعان قالاسىندا، ونىڭ ىشىندە استاناسى ريمدە جىلۋ ءقاۋپىنىڭ قىزىل دارەجەسى ەنگىزىلدى.

دۇنيەجۇزىلىك مەتەورولوگيا ۇيىمى ەۋروپادا جاڭا تەمپەراتۋرالىق رەكورد تىركەلىپ، ىستىق 48،8 سەلسيي گرادۋستان اسادى دەپ بولجاپ وتىر.

وتە جوعارى تەمپەراتۋرالار ەۋروپامەن قاتار، سولتۇستىك امەريكا جانە سولتۇستىك ازيادا دا تىركەلىپ جاتىر. توكيودا تەرمومەتر باعانى 37 سەلسيي گرادۋستان استى.