قان قىسىمى جوعارى ادامدارعا كوشەگە شىقپاۋ تۋرالى ەسكەرتۋ جاسالدى
قازگيدرومەت قازاقستان بويىنشا 08-10 تامىزعا ارنالعان اۋا رايى بولجامىن جاريالادى، دەپ حابارلايدى aqshamnews.kz.
بولجامعا سايكەس، 8-10 تامىز ارالىعىندا ەلىمىزدىڭ كوپ بولىگىندە اۋا-رايىنىڭ تۇراقسىز سيپاتى ساقتالادى.
“نايزاعاي ءتۇسىپ، قاتتى جەل سوعىپ، بۇرشاق جاۋادى. 8-9 تامىزدا باتىستا قارقىندى جاڭبىر جاۋادى. ال 8-10 تامىز ارالىعىندا سولتۇستىك - باتىستا، سولتۇستىكتە، 9-10 تامىزدا ورتالىقتا، 10 تامىزدا شىعىستا جاڭبىر جاۋادى. جالپى ەل بويىنشا جەل كۇشەيەدى”، – دەلىنگەن حابارلامادا.
سونداي-اق ەلىمىزدىڭ وڭتۇستىگىندە كۇندىزگى ۋاقىتتا +38+45°س وتە قاتتى ىستىق بولادى. ال رەسپۋبليكانىڭ سولتۇستىك-باتىسىندا، سولتۇستىگىندە اۋا تەمپەراتۋراسى +15+22°س دەيىن بىرتىندەپ تومەندەيدى.