جيناققا كۇلتەگىن كەشەنىنە قاتىستى تىڭ عىلىمي مالىمەتتەر كىردى
كۇلتەگىن ەسكەرتكىشىنە ارنالعان ماتىندەر جيناعى الەمنىڭ 14 تىلىنە اۋدارىلدى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
بۇگىن ەلوردادا بۇل تۋىندى قالىڭ كوپشىلىككە تانىستىرىلدى. ەڭبەك ازەربايجان، موڭعول، نەمىس، تاتار، جۇڭگو، فرانسۋز تىلدەرىندە جارىق كوردى. جيناققا كۇلتەگىن كەشەنىنە قاتىستى تىڭ عىلىمي مالىمەتتەر، مۇراعاتتاعى تاريحي قۇجاتتار مەن سىزبالار كىرگىزىلدى.
«بۇنىڭ ەرەكشەلىگى كونە تۇركى زامانىنداعى ۇعىمداردىڭ بۇگىنگى ادەبي ءتىلدىڭ قولدانىمىنداعى تىلدەگى تۇسىنىگىن جەتكىزەدى. ياعني ارادا 8-عاسىردان بەرگى دۇنيەمەن التىن كوپىر بولىپ وتىر. مادەني مۇرا، رۋحاني جاڭعىرۋ دەپ جاتىرمىز. بۇگىنگى جاڭا قازاقستانعا ەڭبەك ەتەتىن قۇندىلىعىنا جارايتىن باعالى كىتاپتاردىڭ ءبىرى بولعالى وتىر»،-دەيدى ل.ن.گۋميليەۆ اتىنداعى ەۇۋ پرورەكتورى ديحان قامزابەك ۇلى.