قولايلى اۋا-رايىنىڭ باستالۋىمەن جىلدام جانە قاتتى كولىك جۇرگىزۋدى ۇناتاتىندار بەلسەندى بولا باستادى
قازاقستان رەسپۋبليكاسىنىڭ جول ءجۇرۋ ەرەجەلەرىن ساقتاۋ جانە بۇزۋشىلىقتاردىڭ الدىن الۋ ماقساتىندا شاھار اۋماعىندا پاترۋلدىك پوليسيا پولكىنىڭ جانە مامانداندىرىلعان باتالونىنىڭ قىزمەتكەرلەرى اۋقىمدى جانە جەرگىلىكتى ءىس-شارالاردى جۇرگىزۋدە. 18-24 مامىر ارالىعىندا قالا جولدارىندا 1 مىڭ 195 قۇقىق بۇزۋشىلىق انىقتالدى، دەپ حابارلايدى Almaty-akshamy.kz الماتى قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«ق ر ججە ۇدايى بۇزۋشىلاردى انىقتاۋ بويىنشا پاترۋلدىك پوليسيا قىزمەتكەرلەرىنىڭ جۇمىسى كۇشەيتىلدى: قارسى جاتقان جولاققا شىعىپ كەتكەن – 5 جۇرگىزۋشى، جالعان مەملەكەتتىك تىركەۋ نومىرلىك بەلگىسى بار كولىك قۇرالىن باسقارعان – 10 جۇرگىزۋشى، متنب جوق كولىك قۇرالىن باسقارعان - 42 جۇرگىزۋشى، اينەگى قاراڭعىلانعان كولىك قۇرالىن باسقارعان - 118 جۇرگىزۋشى، جۇرگىزۋشى كۋالىگىنەن ايىرىلا تۇرا كق باسقارعان - 1 ەرەجە بۇزۋشى، كولىك قۇرالىن ماس كۇيىندە باسقارعان - 20 جانە ت.ب. تەك وتكەن تاۋلىكتە عانا جىلدامدىقتى جاقسى كورەتىن 13 جۇرگىزۋشى اكىمشىلىك جاۋاپكەرشىلىككە تارتىلدى. سونىمەن قوسا، ولار ازاماتتاردىڭ تۇنگى تىنىشتىعىن دا بۇزادى»، - دەدى، الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى، پوليسيا پودپولكوۆنيگى ەرجان ۇزابايەۆ.
وسىعان بايلانىستى، شاھار پوليسەيلەرى جول قوزعالىسىنا قاتىسۋشىلاردى جقە قاتاڭ ساقتاۋعا شاقىرىپ، «جازانىڭ بۇلتارتپاستىعى» قاعيداسىن ەسكە سالدى.
«قولايلى اۋا-رايىنىڭ باستالۋىمەن جىلدام جانە قاتتى كولىك جۇرگىزۋدى ۇناتاتىندار بەلسەندى بولا باستادى، بۇل، ەڭ كەم دەگەندە، ءبىرقاتار جول ءجۇرۋ ەرەجەلەرىن بۇزۋمەن قاتار جۇرەدى، ال ماكسيمۋم، اركەزدە ازاماتتاردىڭ تىنىشتىعىن بۇزادى جانە ولارعا اسىرەسە تۇنگى ۋاقىتتا ىڭعايسىز جاعدايلار تۋىنداتادى. جاستار ءقاۋىپ ءتوندىرىپ، قالا كوشەلەرىمەن جارىس ۇيىمداستىرادى. سونىمەن قاتار، ولار كولىكتەرىن قايتا جاساپ، تىيىم سالىنعان جابدىقتاردى، ونىڭ ىشىندە قاتتى دىبىس شىعاراتىن رەزوناتورلاردى، اسىرەسە تۇندە ورناتادى. بۇل قالا تۇرعىندارىنىڭ ادىلەتتى شاعىمدارىن تۋعىزادى. وسىنداي دەرەكتەردىڭ جولىن كەسۋ ماقساتىندا پوليسيانىڭ الدىڭعى شەپتەگى بولىمشەلەرى اپتا سايىن رەيدتەر جۇرگىزەدى. ءبىز جارىس جۇرگىزۋشىلەرى جينالاتىن ورىندارعا كوپتەگەن جاساقتاردى جينايمىز جانە كەز كەلگەن زاڭسىز ارەكەتتەردى توقتاتامىز. بۇل جۇمىس ودان ءارى جالعاساتىن بولادى. بۇل شارالار جولدارداعى قاۋىپسىزدىك دەڭگەيىن ارتتىرۋعا باعىتتالعان»، - دەدى، پودپولكوۆنيك ۇزابايەۆ.