مەملەكەتتىك قۋىرشاق تەاترى سانكت-پەتەربۋرگ قالاسىندا وتكەن «كۋكART-XV» قۋىرشاق جانە سينتەتيكالىق تەاترلار فەستيۆالىنە وفلاين تۇردە قاتىسىپ، رەجيسسەر د.جۇمابايەۆا قويعان اعىلشىننىڭ ۇلى دراماتۋرگى، اقىن ۋيليام شەكسپيردىڭ ايگىلى «رومەو مەن دجۋلەتتا» وقيعاسىن سۋرەتتەيتىن سپەكتاكلىمەن دوداعا تۇسكەن بولاتىن. اتالمىش شارادان «ۋيليام شەكسپير شىعارماسىنىڭ قازاق تىلىندەگى ەرەكشە وقىلىمى» اتتى نوميناسياسىمەن ماراپاتتالدى.
ەسكە سالا كەتسەك، اتالمىش قويىلىمداعى باستى كەيىپكەرلەر رومەو مەن دجۋلەتتانى ساحنالاۋ ءۇشىن جاس ونەرپازدار، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ «دراما اكتەرى» ماماندىعىنىڭ 3 كۋرس ستۋدەنتتەرى عالىم امانگەلدى ۇلى مەن سالتانات تورەباي 50-گە جۋىق جاس تالانتتار ب ا ق سىناعان كاستينگتەن ارنايى ءوتىپ، تەاتردىڭ كوركەمدىك كەڭەسى مۇشەلەرى ءارى رەجيسسەر شەشىمىمەن باستى رولدەرگە بەكىتىلگەن بولاتىن. جاستار سەنىمدى اقتادى.