الماتىدا 50 مىڭنان استام دومبىراشىنىڭ قاتىسۋىمەن «كۇي كۇمبىرى» رەسپۋبليكالىق چەللەندجى ءوتتى، دەپ حابارلايدى Almaty-akshamy.kz
ناۋرىز مەرەكەسى اياسىندا الماتىنىڭ بارلىق ءبىلىم بەرۋ ۇيىمىندا «كۇي كۇمبىرى» رەسپۋبليكالىق چەللەندجى ءوتتى. ءىس-شاراعا قۇرمانعازىنىڭ «بالبىراۋىن»، «اداي»، «سارىارقا» جانە ت.ب. كۇيلەرىن ورىنداعان 50 مىڭنان استام دومبىراشى قاتىستى. الماتى قالاسى ءبىلىم باسقارماسىنىڭ مالىمەتىنشە، كۇيلەر ءبىر ۋاقىتتا قالانىڭ 215 مەكتەبى مەن 20 كوللەدجىندە ورىندالدى.
«مەن بالا كەزىمنەن دومبىرادا وينايمىن، بۇل كەرەمەت مۋزىكالىق اسپاپتى وتە جاقسى كورەمىن. دومبىرادا ويناۋ بالالاردى عانا ەمەس، ەرەسەكتەردى دە تاربيەلەپ، ولاردى قازاق حالقىنىڭ ونەر تاريحىن بىلۋگە جول اشادى. چەللەندج اياسىندا دومبىرادا بىرگە ويناعانىمىز كەرەمەت، شابىت بەرەدى. بۇگىنگى ءىس-شارانىڭ ناۋرىزعا ورايلاستىرىلعانى قۋانتادى، سوندىقتان الماتىلىقتارعا اماندىق پەن مولشىلىق تىلەگىم كەلەدى»، - دەدى ش.ءۋاليحانوۆ اتىنداعى №12 گيمنازيانىڭ جەتىنشى سىنىپ وقۋشىسى ءىنجۋ مالىبەك.
چەللەندجگە № 12 قالالىق گيمنازياداعى ءبىرىنشى سىنىپتان سەگىزىنشى سىنىپقا دەيىن 90 وقۋشى قاتىستى. وقۋشىلار مۇقيات دايىندالىپ، بەلگىلى كۇيلەردى بەرىلىپ ورىندادى.
«ءبىزدىڭ مەكتەپتە بالالار دومبىرانى جاقسى كورەدى، ۇنەمى مۋزىكالىق ۇيىرمەلەرگە قاتىسادى. ءوتىپ جاتقان چەللەندج جاستاردى پاتريوتتىق تۇرعىدا تاربيەلەۋگە زور ۇلەس قوسادى. بالا دومبىراسىن ارقاسىنا اسىپ، مۋزىكا الەمىنە تەرەڭ بويلايدى. قانشا ۋاقىت وتسە دە، ول ونىڭ قۇندىلىقتارىنا ادال بولادى. سوندىقتان ەلىمىزدە كۇن سايىن اتا-انالار ءبىزدىڭ داستۇرلەرىمىز بەن مۇرالارىمىزعا بايلانىستى مۋزىكالىق اسپاپتىڭ شىنايى قۇندىلىعىن كوبىرەك تۇسىنەدى»، - دەدى ش. ءۋاليحانوۆ اتىنداعى №12 گيمنازيا ديرەكتورى قۋانىش جۇمابەك ۇلى.
161ء-شى ليسەيدىڭ وقۋشىلارى مەكتەپكە كىرەر جەردە كوشەدە دومبىرادا وينادى. ادەمى كەستەلەنگەن كوك قامزولدار جاس دومبىراشىلاردىڭ تاماشا ورىنداۋى كورەرمەندەردى قۋانتتى.