كۇدەبايەۆ رەسمي تۇردە شەكارانى كەسىپ وتكەن جوق – شەكارا قىزمەتى

9 ناۋرىزدا ول گيپەرتونيا دياگنوزىمەن مەديسينالىق مەكەمەگە جاتقىزىلعان

ۇقك شەكارا قىزمەتى الماتى جانە جەتىسۋ وبلىستارىنىڭ پوليسيا دەپارتامەنتىنىڭ ەكس-باسشىسى سەرىك كۇدەبايەۆ رەسمي تۇردە شەكارانى كەسىپ وتپەگەنىن مالىمدەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.

بۇعان دەيىن كۇدەبايەۆتىڭ 2023 جىلدىڭ 3 ساۋىرىندە سوتقا كەلمەگەنى جانە وعان ىزدەۋ جاريالانعانى حابارلانعان بولاتىن.

9 ناۋرىزدا ول گيپەرتونيا دياگنوزىمەن مەديسينالىق مەكەمەگە جاتقىزىلعان بولاتىن. سوتتالۋشىنىڭ اۋرۋىنا بايلانىستى سوت وتىرىستارى بىرنەشە رەت كەيىنگە قالدىرىلعاندىقتان، ونى سوتقا ماجبۇرلەپ جەتكىزۋ تۋرالى شەشىم قابىلداندى.

الايدا، 3 ساۋىردە ونىڭ ەلدە جوق ەكەندىگى بەلگىلى بولدى.

ايتا كەتسەك، 2022 جىلى 13 مامىردا سەرىك كۇدەبايەۆتىڭ قاڭتار وقيعاسى بويىنشا كۇدىكتى دەپ تانىلعانى بەلگىلى بولدى. باس پروكۋراتۋرا الماتى وبلىسى پد-نىڭ ەكس-باستىعى "اۋىر زارداپتارعا اكەلىپ سوقتىرعان قىزمەتىندەگى ارەكەتسىزدىك" بابى بويىنشا كۇدىككە ىلىنگەنىن حابارلادى.

2023 جىلى 31 قاڭتاردا سەرىك كۇدەبايەۆ قاڭتار وقيعالارى كەزىندە تالدىقورعاننان نە ءۇشىن كەتكەنىن ايتىپ بەردى.

پروكۋرور 28 اقپاندا الماتى وبلىستىق پوليسياسىنىڭ بۇرىنعى باستىعى سەرىك كۇدەبايەۆقا توعىز جىل باس بوستاندىعىنان ايىرۋ جازاسىن سۇرادى.

سەرىك كۇدەبايەۆ 2020 جىلدىڭ قاڭتار ايىنان باستاپ الماتى وبلىسى پوليسيا دەپارتامەنتىنىڭ باستىعى قىزمەتىن اتقارىپ كەلگەن. ول 2022 جىلدىڭ 18 اقپانىنان باستاپ ىشكى ىستەر ورگاندارىنان ءوز ەركىمەن بوساتىلدى.