سوت ۇكىمى ءالى كۇشىنە ەنگەن جوق
بۇگىن باتىس قازاقستان وبلىسىنداعى «كۋبلەي» زاۋىتى مەن ورال قالالىق اكىمدىگى اراسىنداعى سوت پروسەسىنە نۇكتە قويىلدى. ۇكىمدى ەكونوميكالىق سوت سۋدياسى باحتيەر جۋرابايەۆ وقىدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
كونسەرۆ زاۋىتى مەن قۇرىلىس كومپانياسىنىڭ اراسىنداعى داۋعا ەكى جىلعا جۋىق ۋاقىت بولدى. بۇگىن سوتتىڭ سوڭعى شەشىمى مەردىگەر مەكەمەسىنىڭ پايداسىنا شەشىلدى. وسى ۋاقىت ىشىندە سوت ماتەريالدارى 13 تومعا جەتكەن. سولاردىڭ 9 تومى «كۋبلەي» زاۋىتىنان تۇسكەن دالەلدەمەلىك قۇجات ەكەن. ەكونوميكالىق سوتتىڭ ءوزارا ىمىراعا كەلۋ تۋرالى شەشىمىمەن كەلىسپەگەن كونسەرۆ زاۋىتىنىڭ وكىلدەرى ۇكىمەتكە حات جولداپتى. ءبىرازعا سوزىلعان داۋعا «يرمەنوۆ» جەكە كاسىپكەرلىگى سالعان كوپ قاباتتى ۇيلەردىڭ قۇرىلىسى سەبەپ بولدى. كونسەرۆ زاۋىتى وكىلدەرىنىڭ ايتۋىنشا، ۇيلەر ءوندىرىس ورنىنا تىم جاقىن سالىنعان. سۋديا جورابايەۆ اتاپ وتكەندەي، "كۋبلەي" جۇمىسىن توقتاتپايدى، ولاردىڭ جۇمىسىنا ەشقانداي كەدەرگى جوق. سوت ۇكىمى ءالى كۇشىنە ەنگەن جوق.
«وسى كەزگە دەيىنگى سوت شەشىمى كۇشىن جويسىن. تۇرعىندار ءوز ۇيلەرىندە قالادى. ولاردىڭ اراسىندا دەنساۋلىعىندا كىناراتى بارلار، وسى ۋاقىتقا دەيىنگى ارالىقتا پاتەر العان وتباسى دا بولعان. سونىمەن قاتار «كۋبلەي» زاۋىتىنىڭ جۇمىسى توقتاپ قالادى دەۋگە ەش نەگىز جوق. ءوندىرىس وشاعى بۇرىنعىشا جۇمىسىن جالعاستىرادى»، – دەدى بقو مامانداندىرىلعان اۋدانارالىق ەكونوميكالىق سوتىنىڭ سۋدياسى باحتيەر جۋرابايەۆ.