ول – اتاقتى «قان مەن تەر» تريلوگياسىنىڭ اۆتورى ءابدىجامىل نۇرپەيىسوۆ.
بۇگىن قازاقتىڭ قابىرعالى قالامگەرى، جازۋشى، اۋدارماشى ءابدىجامىل نۇرپەيىسوۆ 97 جاسقا تولدى، دەپ حابارلايدى Almaty-akshamy.kz
ءابدىجامىل نۇرپەيىسوۆ – 1924 جىلى 22 قازاندا قىزىلوردا وبلىسى ارال اۋدانى ۇشكوڭ اۋىلىندا دۇنيەگە كەلگەن. قازاقستاننىڭ حالىق جازۋشىسى. حح عاسىرداعى قازاق ادەبيەتىنە زور ۇلەس قوسقان جازۋشى، قوعام قايراتكەرى.
1941-1945 جىلدارداعى II دۇنيەجۇزىلىك سوعىس ارداگەرى، وڭتۇستىك جانە پريبالتيكا مايدانىندا، لۋگانسك تۇبىندە ءمينوموت روتاسىندا ساياسي قىزمەتكەر، كەيىن شتابيست رەتىندە بالتىق ماڭىندا كۋرليانديا پلاسدارمىنداعى شايقاستارعا قاتىسقان.
1946 جىلى جەلتوقساندا ءابدىجامىل اسكەر قاتارىندا ءجۇرىپ «كۋرليانديا» رومانىن جازۋعا كىرىسكەن. ونى ءبىتىرىپ باسپاعا بەرگەن سوڭ، ءبىر جىل قازاق مەملەكەتتىك ۋنيۆەرسيتەتىندە وقىدى.
1954 جىلى ماسكەۋدەگى م.گوركيي اتىنداعى ادەبيەت ينستيتۋتىنا ءتۇسىپ، ونى 1956 جىلى ءبىتىردى. تىرناقالدى كىتابى ءۇشىن جامبىل اتىنداعى رەسپۋبليكالىق سىيلىقتىڭ يەگەرى اتاندى.
1962-1964 جىلدارى قازاقستان جازۋشىلار وداعىنىڭ ورگانى – «جۇلدىز» جۋرنالىنىڭ باس رەداكتورى دا بولىپ قىزمەت ىستەيدى، قازاق ءسسر-ى جوعارعى كەڭەسىنىڭ دەپۋتاتى دا بولدى.
قالامگەر ا.پ.چەحوۆتىڭ، ا.م.گوركييدىڭ، نازىم حيكمەتتىڭ، يسپان جازۋشىسى ا.كەسونىڭ شىعارمالارىن قازاق تىلىنە اۋدارعان.
«قان مەن تەر» تريلوگياسى، «سوڭعى پارىز» ديلوگياسى - ءا.نۇرپەيىسوۆتىڭ عانا ەمەس، كۇللى قازاق ادەبيەتىنىڭ تابىسى. جازۋشىنىڭ ەرەن ەڭبەگى ەلدىڭ، مەملەكەتتىڭ جوعارى باعاسىنا يە بولدى. جازۋشى رەتىندە «ەڭبەك قىزىل تۋ»، «قۇرمەت بەلگىسى»، قازاقستان مەملەكەتىنىڭ «وتان» وردەنىمەن ماراپاتتالعان.
2019 جىلى جازۋشى الماتى قالاسىنىڭ قۇرمەتتى ازاماتى اتاندى.