الماتىداعى كرىلوۆ اتىنداعى بالالار كىتاپحاناسىندا ەتنوگراف بولات بوپاي ۇلىنىڭ كىتاپسورەسى اشىلدى دەپ حابارلايدى Almaty-aqshamy.kz.
18 ءساۋىر كۇنى كرىلوۆ اتىنداعى كىتاپحانادا «بولات بوپاي ۇلىنىڭ كىتاپ سورەسى» اشىلدى. كىتاپ سورەسىنە ەتنوگرافتىڭ جەكە كىتاپحاناسىنان جانە شىعارماشىلىعىنان 3000 دانا كىتاپ قويىلدى. ولاردىڭ باسىم كوپشىلىگى ۇلت ۇستازى احمەت بايتۇرسىن ۇلىنىڭ جازۋىنداعى كىتاپتار.
ەتنوگرافتىڭ اتىندا كىتاپ سورەنىڭ اشىلۋىمەن قاتار بولات بوپاي ۇلىنىڭ «ادامزات رۋحى – قامشى» اتتى بالالارعا ارنالعان جاڭا كىتابىنىڭ، سونداي-اق، قازاق ەتنوگرافياسىنا قاتىستى 4 جاڭا كىتابىنىڭ تۇساۋى كەسىلىپ، وقىرمانعا جول تارتتى.
ءىس-شاراعا زيالى قاۋىم وكىلدەرى، ب ا ق وكىلدەرى، سونداي-اق، جوعارى وقۋ ورىندارىنىڭ ستۋدەنتتەرى مەن كىتاپسۇيەر وقىرماندار قاتىستى.
