كلۋبقا ەكى رەت كەلىپ، ەكى رەت كەتتى
«مانچەستەر يۋنايتەد» كلۋبى مەن پورتۋگاليالىق شابۋىلشى كريشتيانۋ رونالدۋ اراسىنداعى كەلىسىمشارت بۇزىلدى، دەپ حابارلايدى Almaty-akshamy.kz aikyn.kz-كە سىلتەمە جاساپ.
كلۋبتىڭ باسپا ءسوز قىزمەتىنىڭ مالىمەتىنشە، تاراپتار ءوزارا وسىنداي كەلىسىمگە كەلگەن.
«مانچەستەر يۋنايتەد» پورتۋگاليالىق ويىنشىعا كوماندانىڭ دامۋىنا قوسقان ۇلكەن ۇلەسى ءۇشىن العىس ءبىلدىردى. كلۋبقا ەكى رەت كەلىپ، وسىمەن ەكى رەت كەتكەن كريشتيانۋ 346 ماچتا 145 گول سوقتى.
سونىمەن قاتار باس باپكەر، نيدەرلاندىلىق مامان ەريك تەن حاگقا سەنىم ءبىلدىرىپ، الداعى ۋاقىتتا دا بىرلەسكەن جۇمىستارىن جالعاستىراتىنىن جەتكىزگەن.
بۇدان بۇرىن ك.رونالدۋ ۇلىبريتانيالىق جۋرناليست پيرس مورگانعا سۇحبات بەرىپ، ەريك تەن حاگتى قۇرمەتتەمەيتىنىن ايتقان بولاتىن.
ك.رونالدۋدىڭ ءوزى «مانچەستەر يۋنايتەد» پەن ونىڭ جانكۇيەرلەرىن جاقسى كورەتىنىن، كلۋبقا تەك جاقسىلىق تىلەيتىنىن جەتكىزدى.
رونالدۋ اعىلشىندىق كومانداعا 2021 جىلدىڭ جازىندا ورالعان ەدى.