كريشتيانۋ رونالدۋ الەمدىك رەكورد ورناتتى

پورتۋگاليا مەن ساۋديالىق «ال-ناسر» كلۋبىنىڭ شابۋىلشىسى كريشتيانۋ رونالدۋ ۇلتتىق ليگادا گول سوعۋ جونىنەن الەمدىك رەكورد ورناتتى.

حالىقارالىق فۋتبول تاريحى جانە ستاتيستيكاسى فەدەراسياسىنان (IIFHS) ءمالىم ەتكەنىندەي، رونالدۋ «ال-شاباب» كومانداسىمەن وتكەن ماچتا قوس گولدىڭ اۆتورى اتاند، دەپ حابارلايدى Almaty-akshamy.kz قازاقپاراتقا سىلتەمە جاساپ. 

وسىلايشا، ول ۇلتتىق چەمپيوناتتارداعى 516-ىنشى جانە 517-گولدارىن سوعىپ، اۋستريالىق جانە چەحوسلوۆاكيالىق شابۋىلشى يوزەف بيسان مەن ماجارستاندىق فەرەنس پۋشكاشتى باسىپ وزدى. ولار 515-تەن گول سوعىپ، ۇزاق ۋاقىت بويى رەكوردتى ۇستاپ تۇرعان ەدى.

بۇل رەيتينگتە ايماقتىق ليگالاردا سوعىلعان گولدار ەسەپتەلمەيدى. سوندىقتان پەلە، روماريو سياقتى سۇرمەرگەندەر تىزىمدە جوق.

جۋىردا 500 گول ەنگىزگەن ءۇش ويىنشىنىڭ (رونالدۋ، پۋشكاش، بيسان) قاتارىنا ارگەنتينالىق ليونەل مەسسي كىرۋى ابدەن ىقتيمال. ونىڭ ەسەبىندە 496 دوپ بار.

رونالدۋ پورتۋگاليا بىرىنشىلىگىندە – 3، يسپانيادا – 311، اعىلشىن پرەمەر-ليگاسىندا – 103، يتاليادا – 81، ساۋد ارابياسىندا 19 گولدىڭ اۆتورى اتاندى.