كورپوراتيۆتىك كرەديتتىك ەسەپتەر كۇنتىزبەلىك ءبىر جىل ىشىندە ءبىر رەت تەگىن بەرىلەدى.
قايتا جانە ودان كەيىنگى سۇراتۋلار كەزىندە 400 تەڭگە مولشەرىندە (ققس قوسقاندا) تولەم الىنادى، دەپ حابارلايدى Almaty-akshamy.kz
«مەملەكەتتىك كرەديتتىك بيۋرو» اق ازاماتتارعا كرەديتتىك ەسەپتەرىن ونلاين رەجيمدە الۋ مۇمكىندىگىن ۇسىندى.
«مەملەكەتتىك كرەديتتىك بيۋرو» اق سايتتا جەكە جانە زاڭدى تۇلعالار ءۇشىن كرەديتتىك ەسەپتەردى، سونداي-اق كولىك قۇرالدارى يەلەرىنىڭ ازاماتتىق-قۇقىقتىق جاۋاپكەرشىلىگىن مىندەتتى ساقتاندىرۋ (كقي اقج مس) ساناتى بويىنشا ساقتاندىرۋ ەسەپتەرىن ونلاين رەجيمىندە الۋ مۇمكىندىگى جاسالعانىن حابارلايدى. سايتقا ەسق كومەگىمەن كىرگەن جاعدايدا سيفرلىق فورماتتاعى جەكە تۇلعالارعا ارنالعان دەربەس كرەديتتىك ەسەپتەر مەن ساقتاندىرۋ ەسەپتەرىن كەز كەلگەن ەلەكتروندىق قۇرىلعىدان تەگىن الۋعا بولادى»، - دەلىنگەن بيۋرو اقپاراتىندا.
كرەديتتىك ەسەپ سوڭعى اقپاراتتى (قارىز الۋشىنىڭ ءوزى تۋرالى دەرەكتەر مەن ءاربىر كرەديت بويىنشا تولىق اقپارات – كرەديتتىڭ جالپى سوماسى، نەسيە بەرەشەگىنىڭ قالدىعى، كرەديتتىڭ ماقساتى، كرەديت تۋرالى مالىمەتتەر بەرگەن قارجى ۇيىمىن كورسەتە وتىرىپ، كرەديت بويىنشا كەپىل تۋرالى اقپارات) العان كۇنى 5 جىلدان كەم بولاتىن قارىز الۋشىنىڭ مىندەتتەمەلەرى تۋرالى كرەديتتىك تاريحتىڭ دەرەكقورىنان الىنعان اقپاراتتى قامتيدى.
ساقتاندىرۋ ەسەپتەرى تۇلعانى ساقتاندىرۋ تاريحى (ساقتاندىرۋ ۇيىمدارىنىڭ اتاۋىن، ءپوليستىڭ قولدانىلۋ كەزەڭىن، سونداي-اق ساقتاندىرۋ جاعدايلارىن، ساقتاندىرۋ سىنىپتارىن قوسا العاندا، جاسالعان كقي اقج مس ساقتاندىرۋ پوليستەرى) بويىنشا ءبىرىڭعاي ساقتاندىرۋ دەرەكقورىنان الىنعان اقپاراتتى قامتيدى. زاڭدى تۇلعالار ءۇشىن كورپوراتيۆتىك كرەديتتىك ەسەپتەر كۇنتىزبەلىك ءبىر جىل ىشىندە ءبىر رەت تەگىن قولجەتىمدى. قايتا جانە ودان كەيىنگى سۇراتۋلار كەزىندە 400 تەڭگە مولشەرىندە (ققس قوسقاندا) تولەم الىنادى.