مادەنيەت جانە اقپارات ۆيسە-مينيسترى ەۆگەنيي كوچەتوۆ كرەاتورلارمەن كەزدەسۋ وتكىزدى.
كەزدەسۋگە پروديۋسەرلەر، مۋزىكانتتار مەن ديزاينەرلەر، سۋرەتشىلەر، انيماتورلار، ۇستەل ويىندارىن ازىرلەۋشىلەر، اۆتورلىق قۇقىق سالاسىنداعى ساراپشىلار جانە ت.ب. قاتىستى، دەپ حابارلايدى aqshamnews.kz.
تاراپتار كرەاتيۆتى يندۋستريانى دامىتۋعا باعىتتالعان وزەكتى مەملەكەتتىك باستامالاردى تالقىلادى. اتاپ ايتساق، مەملەكەت باسشىسى قاسىم-جومارت توقايەۆ قول قويعان كرەاتيۆتى يندۋستريانى دامىتۋ تۋرالى زاڭ مەن ەكونوميكالىق سالاعا مەملەكەتتىك قولداۋ كورسەتۋ جانە ىنتالاندىرۋ قاعيدالارى ايقىندالعان بۇيرىق جوباسىن ءسوز ەتتى.
اتالمىش شارالار شىعارماشىلىق سەكتوردى كوممەرسيالاندىرۋ جانە حالىقارالىق نارىقتا قازاقستاندىق كرەاتيۆتى ونىمدەر مەن قىزمەتتەردى ىلگەرىلەتۋ ءۇشىن قولايلى جاعداي جاساۋعا باعىتتالعان.
سونىمەن قاتار بيىل ۇكىمەت تالانتتاردى ىزدەۋ جانە قولداۋ، ينفراقۇرىلىمدى دامىتۋ، ونىمدەردى ەكسپورتتاۋ مەن كوممەرسيالاندىرۋعا جاردەمدەسۋدى كوزدەيتىن ارنايى قور قۇراتىن بولادى.