پروبلەماعا نازار اۋدارتۋ
26 تامىزدا ەر ادام تاراز قالاسىنىڭ قۇقىق قورعاۋ ورگاندارىمەن ارادا تۋىنداعان پروبلەماعا نازار اۋدارۋ ماقساتىندا قۇرىلىس كرانىنىڭ توبەسىنە شىعىپ العان. بۇل جايىندا نۇر-سۇلتان قالالىق سوتىنان ءمالىم ەتتى، دەپ حابارلايدى Almaty-akshamy.kz.
تاراتىلعان اقپاراتقا قاراعاندا، نۇر-سۇلتان قالالىق پوليسيا دەپارتامەنتى ازاماتتىڭ ۇستىنەن بۇزاقىلىق بابىمەن اكىمشىلىك ءىس قوزعاعان. اكىمشىلىك قۇقىق بۇزۋشىلىق تۋرالى كودەكستىڭ 434-بابى 1-تارماعىندا 5 اەك مولشەرىندە ايىپپۇل نەمەسە 10 تاۋلىككە دەيىن قاماۋعا الۋ تۇرىندەگى اكىمشىلىك جازا قاراستىرىلعان.
ءىس ماتەريالىنداعى تۇسىنىكتەمەگە سايكەس، ازامات م. ءوزىنىڭ ۇستىنەن قوزعالعان قىلمىستىق ىسپەن كەلىسپەيدى. ول ءوزىنىڭ ىس-ارەكەتىن باسىنداعى پروبلەماعا نازار اۋدارتۋ ماقساتىندا جاساعانىن تۇسىندىرگەن.
سوت ازامات م-نى اقبتك 434-بابى 1-تارماعى بويىنشا قۇقىق بۇزۋشىلىق جاسادى دەپ تانىدى جانە 5 تاۋلىككە اكىمشىلىك قاماۋعا الىندى.
قاۋلى زاڭدى كۇشىنە ەنگەن جوق.