Covid-19: رەسەيدە كىسى ءولىمى بويىنشا انتيرەكورد تىركەلدى
رەسەيدە كەيىنگى تاۋلىكتە كوروناۆيرۋستان 857 ادام كوز جۇمدى. بۇل پاندەميا باستالعالى تىركەلگەن ەڭ ۇلكەن كورسەتكىش، دەپ حابارلايدى almaty-akshamy.kz
وڭىرلەردىڭ جارتىسىندا ۆيرۋس جۇقتىرعاندار سانى ارتىپ بارادى. ماماندار ەپيدەميولوگيالىق احۋالدىڭ ناشارلاۋىنا بىرنەشە سەبەپ بار دەيدى.
بىرىنشىدەن، بۇل تەز تارايتىن "دەلتا" شتامىمەن بايلانىستى. ءقازىر ناۋقاستاردىڭ 90 پايىزىنان وسى مۋتاسيا انىقتالىپ جاتىر.
ەكىنشىدەن، كوز جۇمىپ جاتقانداردىڭ كوبى ءالى ۆاكسينا الماعاندار كورىنەدى.
ماماندار ءقازىر رەسپيراتورلىق اۋرۋلاردىڭ قوزاتىن كەزى دەيدى. ونىڭ ۇستىنە جۇرت دەمالىستان ورالىپ، ساباق باستالۋى دا ىندەتتىڭ ورشۋىنە اسەر ەتكەن. ەندى كەي وڭىرلەر شەكتەۋ شارالارىن كۇشەيتىپ جاتىر.