قازاقستان ۇلتتىق بانكى نومينالى 100 تەڭگەلىك JAMBYL. 175 JYL كوللەكسيالىق مونەتاسىن اينالىمعا شىعارادى، دەپ حابارلايدى almaty-akshamy.kz
مونەتالاردىڭ قاي كۇنى ساتىلىمعا تۇسەتىنى تۋرالى قوسىمشا اقپارات قۇب رەسمي سايتىندا جاريالانادى. 2021 جىلى اقىن جامبىل جابايەۆتىڭ تۋعانىنا 175 جىل تولدى.
ونىڭ شىعارماشىلىعى حالىق پوەزياسى تاريحىندا ەرەكشە ورىن الادى. مونەتانىڭ اۆەرسىندە ورتالىق بولىگىندە قازاقستان رەسپۋبليكاسىنىڭ ەلتاڭباسى بەينەلەنگەن.
ەلتاڭبانىڭ سول جانە وڭ جاعىندا ۇلتتىق ويۋ-ورنەك ەلەمەنتتەرى ورنالاسقان.
جيەگىندە اينالدىرا – QAZAQSTAN ULTTYQ BANKI • NATIONAL BANK OF KAZAKHSTAN دەپ جازىلعان.
تومەنگى جاعىندا مونەتانىڭ نومينالىن بىلدىرەتىن «100 TEŃGE» جازۋى بار.
مونەتانىڭ ريەۆەرسىندە جامبىل جابايەۆتىڭ پورترەتتىك بەينەسى، ورتالىعىندا – «ارتىقشا تۋعان ازامات» ولەڭىنىڭ بىرنەشە جولى ورنالاستىرىلعان. وڭ جاعىندا ويۋ-ورنەك ۇزىندىلەرىنەن جاسالعان دومبىرا كونتۋرىنىڭ ايشىقتى بەينەسى مەن مەرەيتوي داتاسىن بىلدىرەتىن «175 JYL» جازۋى ورنالاسقان.
مونەتانى اينالدىرا JAMBYL جانە QAZAQ HALYQ AQYNY جازۋلارى، ال تومەنگى جاعىندا دايىندالعان جىلىن بىلدىرەتىن «2021» جازۋى بار.
JAMBYL. 175 JYL كوللەكسيالىق مونەتالارى من 25 مەلحيور قوسپاسىنان، نومينالى 100 تەڭگەلىك، ماسساسى 15 گرامم، ديامەترى 33 مم، دايىنداۋ ساپاسى brilliant uncirculated، تارالىمى 15 000 دانا بولىپ دايىندالدى.
مونەتالار كوللەكسيالىق قۇنى بويىنشا ساتۋعا ارنالعان.
ولار قازاقستان رەسپۋبليكاسىنىڭ بۇكىل اۋماعىندا وزدەرىنىڭ بەلگىلەنگەن قۇنىمەن تولەمدەردىڭ بارلىق ءتۇرى بويىنشا قابىلدانۋعا، سونداي-اق بانك شوتتارىنا ەسەپكە الىنۋعا،
قازاقستاننىڭ بارلىق بانكتەرىندە اۋدارۋعا، ۇساقتالۋعا جانە ايىرباستالۋعا جاتادى. كوللەكسيالىق مونەتالار قازاقستان تەڭگە سارايىندا دايىندالدى.