قونايەۆ قالاسى مەن الماتى وبلىسىنىڭ كەگەن اۋدانىندا ەكى كوۆوركينگ-ورتالىق اشىلدى، دەپ حابارلايدى almaty-akshamy.kz
ورتالىقتاردىڭ اشىلۋ سالتاناتىنا ق ر مادەنيەت جانە اقپارات مينيسترلىگىنە قاراستى جاستار جانە وتباسى ىستەرى كوميتەتىنىڭ ءتوراعاسى قايرات قامباروۆ، مەملەكەتتىك، جاستار جانە زەرتتەۋ ۇيىمدارىنىڭ وكىلدەرى قاتىستى.
بۇل جەردەن جاستار پسيحولوگيالىق جانە زاڭگەرلىك قولداۋ، قارجىلىق ساۋاتتىلىق، NEET ساناتىنداعى جاستاردى جۇمىسقا ورنالاستىرۋ ماسەلەلەرى بويىنشا كەڭەس الا الادى.
«مينيسترلىك جاستار ساياساتىن دامىتۋعا ەرەكشە كوڭىل بولەدى. كوۆوركينگ-ورتالىقتار ءوڭىر جاستارىن الەۋمەتتەندىرۋدە ماڭىزدى سەپتىگىن تيگىزەدى. بۇل الاڭداردا تەگىن بيزنەس-ترەنينگتەر، ماستەر-كلاستار، كەزدەسۋلەر، كورمەلەر جانە باسقا دا ماڭىزدى ءىس - شارالار وتكىزىلەدى»، — دەدى قايرات قامباروۆ.
ەستەرىڭىزگە سالا كەتەيىك، ۇكىمەت 2023-2029 جىلدارعا ارنالعان مەملەكەتتىك جاستار ساياساتىنىڭ تۇجىرىمداماسىن بەكىتتى، ونىڭ شەڭبەرىندە قازاقستاندا اۋىل جاستارىن دامىتۋ جانە جان-جاقتى قولداۋ ءۇشىن جاعداي جاساۋ جونىندە ناقتى شارالار قابىلدانۋدا.
وسىلايشا، وڭىرلەردە 900 مىڭعا جۋىق جاستى سيفرلىق ساۋاتتىلىققا ۇيرەتۋ، «تاۋەلسىزدىك ۇرپاقتارى»، «Zhas project» وڭىرلىك گرانتتارىن ءبولۋ جوسپارلانۋدا. باسقا دا ورگاندارمەن بىرلەسىپ، جاستاردى تۇرعىن ۇيمەن قامتاماسىز ەتۋ باعدارلامالارى ىسكە اسىرىلادى.
جۇمىس ساپارى بارىسىندا كوميتەت ءتوراعاسى الماتى وبلىسىنىڭ جاستارىمەن ءبىرقاتار كەزدەسۋ وتكىزدى.
ق ر مادەنيەت جانە اقپارات مينيسترلىگىنىڭ باسپا ءسوز قىزمەتى