الەمدە COVID-19 ىندەتىن ناقتى قانشا ادامنىڭ جۇقتىرعانى تۋرالى اقپارات از، دەپ حابارلايدى اlmaty-akshamy.kz.
دۇنيەجۇزىلىك دەنساۋلىق ساقتاۋ ۇيىمى وسىلاي دەپ دابىل قاقتى. اقپاراتتىڭ ازدىعى ينفەكسيانى ساراپتاۋ جۇمىستارىن قيىنداتىپ وتىر. سوندىقتان ۇيىمنىڭ باس ديرەكتورى الەم ەلدەرى كوۆيد جۇقتىرۋ دەرەگىن ۇنەمى باقىلاۋدا ۇستاۋ كەرەك دەيدى.
سوڭعى كەزدەرى الەم بويىنشا تەستىلەۋ كورسەتكىشى 20%-كە تومەندەپ كەتكەن. سونداي-اق ۇيىم جەتەكشىسى بالالار اراسىندا گەپاتيتتىڭ اۋىر تۇرىنە جاتاتىن، ءبىراق مۇلدە تۇسىنىكسىز 169 جاعدايدىڭ تىركەلگەنىن، سونىڭ سالدارىنان 1 جەتكىنشەكتىڭ كوز جۇمعانىن مالىمدەدى.
– ادەتتە وتكىر گەپاتيت تۋدىراتىن ۆيرۋستار انىقتالعان جوق. ادەنوۆيرۋس كەمىندە 74 جاعدايدا بەلگىلى بولدى. بۇل ينفەكسيا كوروناۆيرۋستان تۋىنداۋى مۇمكىن دەگەن كۇدىك بار. ءقازىر بارلىق جاعداي زەرتتەلىپ جاتىر، - دەيدى ددسۇ باس ديرەكتورى تەدروس ادحانوم گەبرەيەسۋس.