2008 جىلى ءوزىن تاۋەلسىز مەملەكەت دەپ جاريالاعان كوسوۆو مەن سەربيا اراسىنداعى ازاماتتاردىڭ قاتىناۋىنا قاتىستى تۋىنداعان جانجال شەشىلدى. بۇل تۋرالى Almaty-akshamy.kz 24.kz-كە سىلتەمە جاساپ حابارلايدى.
ەۋرووداق وكىلدەرى جانە ەكى ەل دەلەگاسياسىنىڭ قاتىسۋىمەن وتكەن كەلىسسوزدەردەن كەيىن تاراپتار وسىنداي ماملەگە كەلدى. كەزدەسۋ قورىتىنىسى بويىنشا سەربيا مەن كوسوۆو ەكى ەل ازاماتتارىنان شەكارا اسقاندا ارنايى قۇجات تالاپ ەتپەۋگە كەلىستى.
ايتا كەتكەن ءجون، وڭىردەگى احۋال شىلدەنىڭ سوڭىندا ۋشىعىپ كەتكەن. كوسوۆو بيلىگى كورشى ەلدەن كەلگەندەر ءۇشىن ۋاقىتشا قۇجاتتار ەنگىزۋگە نيەتى بارىن ايتقان. مالىمدەمە سوڭى جانجالعا ۇلاسىپ، سەربتەر نارازىلىققا شىققان. سالدارىنان بىرنەشە ادام جاراقات العان ەدى.