قىزىل جالىننىڭ جاپسارلاس ورنالاسقان ەكىقاباتتى "سابىرجان" دۇكەنىنىڭ عيماراتىنا تارالۋ ءقاۋىپى تۋىندادى، دەپ حابارلايدى Almaty-akshamy.kz Almaty.tv-گە سىلتەمە جاساپ.
28 تامىزدا ساعات 15-42-دە كەلىپ تۇسكەن حابارلاماعا سايكەس، ءورت سوندىرۋشىلەر جوعارى دارەجەدەگى شاقىرتۋ بويىنشا المالى اۋدانى، رايىمبەك كوشەسى، 212د/2 مەكەن-جايىنا اتتاندى.
وقيعا ورنىنا ساعات 15 :49-دا كەلىپ جەتكەن ءورت سوندىرۋشىلەر ءبىر قاباتتى ساۋدا بۋتيكتەرى مەن ءدامحانا ورتەنىپ جاتقانىن انىقتادى، قىزىل جالىننىڭ جاپسارلاس ورنالاسقان ەكىقاباتتى "سابىرجان" دۇكەنىنىڭ عيماراتىنا تارالۋ ءقاۋىپى تۋىندادى.
ءورتتى ءسوندىرۋ ءۇشىن وقيعا ورنىندا ەكى ۋچاسكەسى قۇرىلدى، ءورت وقپاندارى ىسكە قوسىلدى، سۋدى ۇزدىكسىز بەرۋ قامتاماسىز ەتىلدى. قابىلدانعان شارالاردىڭ ارقاسىندا ءورت 25 مينۋتتا، ساعات 16:16-دا اۋىزدىقتالىپ، 16:31-دە تولىعىمەن ءسوندىرىلدى.
ايتا كەتەيىك، الماتى قالاسى تجد جەكە قۇرامى مەرەكە كۇندەرى كۇشەيتىلگەن قىزمەت رەجيمىنە كوشكەن.