بيىل قاڭتار-مامىر ايلارىندا ەل ىشىندەگى كوشى-قون 2،1%-عا ازايدى.
كوشى-قوننىڭ وڭ وزگەرىسى الماتى (14 481 ادام)، نۇر-سۇلتان (12 783 ادام) جانە شىمكەنتتە (1 773 ادام) بايقالدى، دەپ حابارلايدى Almaty-akshamy.kz ۇلتتىق ستاتيستيكا بيۋروسىنا سىلتەمە جاساپ.
قاڭتاردان مامىرعا دەيىن ەلگە 6 227 ادام كەلىپ، 9 034 ادام كەتكەن. كوشى-قون سالدوسى - مينۋس 2 807 ادام. نەگىزىنەن تمد مەملەكەتتەرىنەن كەلەدى، كەتۋ ءۇشىن دە وسى مەملەكەتتەردى تاڭدايدى.
حالىق سانى
1 ماۋسىمداعى دەرەكتەر بويىنشا، ەل حالقىنىڭ سانى 19 ميلليون 222،6 مىڭ ادامعا جەتتى. قالالاردا 11 ميلليون 460،5 مىڭ قازاقستاندىق تۇرادى. بۇل حالىقتىڭ 59،6%ء-ى. اۋىلدىق جەرلەردە 7 ميلليون 762،1 مىڭ ادام (40،4%) بار. ءبىر جىل ىشىندە حالىق سانى 237،8 مىڭعا ارتتى.
قاڭتار-مامىردا رەسپۋبليكا حالقىنىڭ تابيعي ءوسىمى 2021 جىلعى قاڭتارمەن سالىستىرعاندا تومەندەپ، 103،3 مىڭ ادام بولدى. تابيعي ءوسىمنىڭ جالپى كوەففيسيەنتى 1000 ادامعا شاققاندا 12،94 ادامدى قۇرادى.
2022 جىلعى قاڭتار-مامىردا 161،5 مىڭ ءسابي تۋدى. بۇل وتكەن جىلدىڭ سايكەس كەزەڭىمەن سالىستىرعاندا 7،8%-كە از. 58،5 مىڭ ادام قايتىس بولدى. بىلتىرعى قاڭتار-مامىردان 8،2%-كە از (63،7 مىڭ ادام).
وسى جىلدىڭ قاڭتار-مامىر ايلارىندا رەسپۋبليكادا ءبىر جاسقا دەيىنگى 1 384 ءسابي كوز جۇمدى، وتكەن جىلى بۇل كورسەتكىش 2،7%-كە كوپ بولعان.