كۇن وتكەن سايىن كوشە مادەنيەتىن ساقتامايتىندار كوبەيىپ كەلەدى.
اسىرەسە، قوعامدىق ورىنداردا كوپ بايقالۋدا. وسىعان بايلانىستى ارنايى زاڭ تالاپتارى ەنگىزىلدى. قوعامدا ەسكەرتىلىپ جاتىر. ءبىراق تىيىلار ەمەس. تىيۋدىڭ جالعىز جولى زاڭ تالابىمەن ايىپپۇل سالۋ. سوندىقتان الماتى پوليسياسى قوعامدىق ورىنداردا تۇكىرگەندەر جازالاناتىنىن تاعى دا ەسكە سالدى، – دەپ حابارلايدى Almaty-akshamy.kz.
جالپى قوعامدىق ورىندا تۇكىرسەڭىز ق ر اقبتك-نىڭ 434-2 بابىمەن جازالاناسىز.
– ۇساق بۇزاقىلىقپەن ۇشتاسقان سانيتارلىق نورمالاردى بۇزۋ – وسى قۇقىق بۇزۋشىلىقتاردى جاساعان جەكەلەگەن ازاماتتاردىڭ قوعامدىق ورىنداردا تاربيەسى مەن ءوزىن-وزى ۇستاۋ مادەنيەتىنىڭ تومەندىگىنىڭ جەمىسى سانالادى. سونىمەن قاتار قوعامدى سىيلاماۋشىلىق پەن قورشاعان ورتاعا مەنسىنبەۋشىلىك تانىتادى. بۇزۋشىلىققا جول بەرگەن ادام اكىمشىلىك جاۋاپكەرشىلىككە تارتىلادى. ازاماتتاردى ءتارتىپتى ساقتاۋعا، زاڭدى بۇزباۋعا شاقىرامىن. قوعام بىرلەسە وتىرىپ، ءوز قالاسىنىڭ تابيعي قۇندىلىقتارى مەن مورالدىق-مادەني كەلبەتىن ساقتاي الادى. ال الماتى قازاقستاننىڭ قارجى-ەكونوميكالىق جانە مادەني ورتالىعى رەتىندە تەك ازاماتتاردىڭ كومەگىمەن ءوز مارتەبەسىن، جاقسى ءيميدجىن ساقتاپ قالۋى كەرەك، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باسشىسى ەرجان ۇزابايەۆ.
سونىمەن قاتار الماتى پوليسياسى سيفرلىق اقپاراتتىق رەسۋرستاردى، ونىڭ ىشىندە ق ر ءىىم جۇزەگە اسىرىپ جاتقان “102” قوسىمشاسى ارقىلى ازاماتتاردىڭ حابارلامالارىن ومنيكانالدى قابىلداۋدى پايدالانا وتىرىپ، پوليسياعا حابارلاسۋدىڭ بالامالى تاسىلدەرىن ەسكە سالدى.
– ايتا كەتۋ كەرەك، الماتى تۇرعىندارى بەلسەندىلىك تانىتىپ، زاڭدىلىق پەن ءتارتىپتى قامتاماسىز ەتۋگە ءوز ۇلەستەرىن قوسۋدا. ولار قول جەتىمدى بايلانىس ارنالارىن پايدالانا وتىرىپ، ۇساق قۇقىق بۇزۋشىلىقتار تۋرالى حابارلايدى. جىل باسىنان بەرى “102” قوسىمشاسى ارقىلى ازاماتتار 10 مىڭعا جۋىق حابارلاما جولداعان. ەڭ ءجيى كەزدەسەتىنى – ادامداردىڭ قوعامدىق ورىنداردا تۇكىرۋى. الماتىدا پوليسەيلەر 11-15 قىركۇيەك ارالىعىندا قوعامدىق ورىنداردى لاستاۋدىڭ 257 دەرەگىن انىقتاسا، ونىڭ 71ء-ى – كوشەگە تۇكىرگەندەر. ايىپپۇل سوماسى 433 مىڭ تەڭگەنى قۇرادى، – دەدى ۇزابايەۆ.