اقسۋدا ماس تۇرعىن پوليسيا قىزمەتكەرىنىڭ زاڭدى تالابىنا باعىنباي، باسىنان ۇتىكپەن ۇرىپ، بىلەگىن تىستەپ العان، – دەپ حابارلايدى Polisia.kz.
اقسۋ قالاسىندا ساعات 21:00-دە قالا تۇرعىنى پوليسياعا حابارلاسىپ، قامزين كوشەسىندەگى پاتەردەگى وتباسىلىق جانجال تۋرالى حابارلاپ، كومەك سۇراعانى بەلگىلى بولدى. اتالعان مەكەنجايعا ۋچاسكەلىك پوليسيا ينسپەكتورى جىبەرىلدى. پوليسيا قىزمەتكەرى كەلگەن سوڭ، قالا تۇرعىنى ماس كۇيىندە جانجال شىعارىپ، ءوزىن اگرەسسيۆتى ۇستاعان ۇلىنا شاعىمدانعان.
– ەر ادام پوليسيا قىزمەتكەرىنىڭ زاڭدى تالاپتارىن ەلەمەي، اگرەسسيۆتى ارەكەت ەتىپ، پوليسيا قىزمەتكەرىنە قارسىلىق كورسەتتى. ول ۇتىكپەن ۋچاسكەلىك پوليسيا قىزمەتكەرىنىڭ باسىنان سوعىپ، بىلەگىنەن تىستەپ الدى. كومەك كورسەتۋ ءۇشىن كورسەتىلگەن مەكەنجايعا اۆتوپاترۋل جىبەرىلدى. مەديسينالىق كۋالاندىرۋ ناتيجەلەرى بويىنشا ەر ادام الكوگولدىك ماس كۇيىندە بولدى، وسى جاعدايدى انىقتاۋ ءۇشىن قۇقىق بۇزۋشى پوليسيا بولىمىنە جەتكىزىلدى، – دەپ حابارلادى پاۆلودار وبلىسى پد.
وسى فاكتى بويىنشا قازاقستان رەسپۋبليكاسى قك-نىڭ 380-بابى 3-بولىگى (بيلىك وكىلىنە قاتىستى قورقىتۋ نەمەسە كۇش كورسەتۋ ارەكەتتەرى) بويىنشا سوتقا دەيىنگى تەرگەۋ باستالدى. قازاقستان رەسپۋبليكاسى كونستيتۋسياسىنىڭ 77-بابى 3-تارماعىنىڭ 1-تارماقشاسىنا، قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 19-بابى 1-بولىگىنە سايكەس ونىڭ كىناسى سوتتىڭ زاڭدى كۇشىنە ەنگەن ۇكىمىمەن تانىلعانعا دەيىن ادام قىلمىس جاساعانى ءۇشىن كىنالى ەمەس دەپ ەسەپتەلەدى.