بيىل ون جىلدىق مەرەيتويى ءوتىپ جاتقان اقش-تاعى Annapolis كينو فەستيۆالىندە الەمنىڭ تۇكپىر-تۇكپىرىنەن ءار جانرداعى فيلمدەر ب ا ق سىنادى.
سونىڭ ىشىندە ءبىزدىڭ وتانداسىمىز، جاس رەجيسسەر سامعار راقىم ۇلىنىڭ «كوشە اقىنى» اتتى قىسقامەتراجدى ءفيلمى «ەڭ ۇزدىك قىسقامەتراجدى فيلم» نوميناسياسىن جەڭىپ الدى، دەپ حابارلايدى Almaty-akshamy.kz
اتالعان تۋىندى ۇلتتىق كينونى قولداۋ ورتالىعىنىڭ قولداۋىمەن، ش.ايمانوۆ اتىنداعى قازاقفيلم كينوستۋدياسىنىڭ قاتىسۋىمەن تۇسىرىلگەن بولاتىن.
ايتالىق، سامعاردىڭ بۇل تۋىندىسىندا ايتىسكەر اكە مەن رەپەر ۇلىنىڭ اراسىنداعى ءوزارا تارتىس، ەسكى مەن جاڭانىڭ قاراما-قايشىلىعى كورىنىس تابادى.
رەجيسسەر بۇل ءفيلمى تۋرالى «كوشە اقىنى» ءوزىمنىڭ ىشكى قايشىلىقتارىمنىڭ تۋىندىسى دەپ بىلەمىن» دەگەن پىكىرىن ايتتى.
سامعار راقىم ۇلىنىڭ «كوشە اقىنى» وسىعان دەيىن «Turkey Internatioanl Amity Short Film Festival» بايقاۋىندا جۇلدەلى بولعان. بۇل رەت امەريكادا توپ جارعان قازاق ءفيلمىنىڭ كورەرمەنى كوپ بولعاي دەپ تىلەيمىز.