كورشىسىنىڭ كولىگىن ۇرلاعان الماتىلىق ۇستالدى

الماتىدا 26 جاستاعى جىگىت جاتاقحاناداعى كورشىسىنىڭ كولىگىن ۇرلاپ كەتتى

26 جاستاعى س.ەسىمدى ازامات وزىمەن بىرگە تۇراتىن كورشىسىنىڭ تيەسىلى Toyota كولىگىن زاڭسىز يەمدەنىپ العان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«كۇدىكتى زاڭسىز بايۋ ماقساتىندا Toyota Camry اۆتوكولىگىن جاسىرىن ايداپ كەتكەن. ەر ادام جابىرلەنۋشىمەن ءبىر جاتاقحانادا تۇرعان. ايىپتالۋشى ۇرلىق جوسپارىن كوپتەن بەرى ويلاپ جۇرگەن: كورشىسى ۇيىقتاپ قالعاندا كىلتتى الىپ، دابىلدى ءوشىرىپ، كەتىپ قالعان. ول كولىكتى الماتى وبلىسىنداعى تۋىستارىنىڭ ۇيىندە جاسىرعان، ونى ءبىزدىڭ بولىمشەنىڭ كريمينالدىق پوليسيا ءبولىمىنىڭ قىزمەتكەرلەرى سول جەردە تاۋىپ الدى، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلحايىر.

ۇرلىق تۋرالى ارىزدان كەيىن پوليسيا قىزمەتكەرلەرى كولىكتىڭ ءجۇرۋ باعىتىن قاداعالاپ ۇلگەردى. قىلمىس جاساعانى ءۇشىن ۇستالعان س.ەسىمدى ازامات ءوز ارەكەتىن جوققا شىعارمادى: ول ءوز كىناسىن بىردەن مويىنداپ، اقشانىڭ قاتتى كەرەك بولعانىن ايتتى.

«كۇدىكتىنىڭ ايتۋىنشا، وڭاي اقشا تابۋ ويى كۇتپەگەن جەردەن پايدا بولعان جانە ول ازعىرۋعا توتەپ بەرە الماعان. بۇعان دەيىن ەر ادامنىڭ زاڭمەن ەشقانداي قيىندىعى بولماعان. تەرگەۋ كەزەڭىندە كۇدىكتى ق ر قىلمىستىق ءىس جۇرگىزۋ كودەكسىنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. قىلمىستىق ءىس ق ر قك-نىڭ 188-بابى 3-بولىگىنىڭ 1-تارماعىنا سايكەس تەرگەلۋدە»، – دەدى ۇ. ءابىلحايىر.