الماتى اكىمى باقىتجان ساعىنتايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ءمالىم ەتكەندەي، ءقازىر ينكليۋزيۆتى ءبىلىم بەرەتىن مەكتەپتەردە ەرەكشە قاجەتتىلىكتەرى بار 4 مىڭنان استام بالا ءبىلىم الۋدا، دەپ حابارلايدى almaty-akshamy.kz
الماتىدا مەكتەپتەردىڭ 80%-ى ينكليۋزيۆتى ءبىلىم بەرۋ ءۇشىن ويداعىداي قامتاماسىز ەتىلگەن. ولاردا ەرەكشە قاجەتتىلىكتەرى بار 4 مىڭنان استام بالا وقيدى.
سونىمەن قاتار، جان باسىنا قارجىلاندىرۋ جۇيەسى ارقىلى 40 مىڭ بالا ءۇشىن بالالاردى تەگىن سپورت سەكسيالارىمەن قامتاماسىز ەتۋ ءۇشىن 1،5 ملرد تەڭگە باعىتتالدى.
بۇگىندە الماتىدا 33 مىڭنان استام بالا سپورتتىڭ 37 ءتۇرى بويىنشا ۇيىرمەلەرگە تەگىن قاتىسادى. سونداي-اق ەرەكشە قاجەتتىلىكتەرى بار بالالارعا ارنالعان سەكسيالار قاراستىرىلعان. 36 شىعارماشىلىق ۇيىرمە جۇمىس ىستەيدى، وعان 15 مىڭ بالا قاتىسادى.
الماتىدا ەرەكشە قاجەتتىلىكتەرى بار 53 مىڭنان استام ادام تۇرادى. بيىل 24،7 مىڭ مۇگەدەك ادام 4،9 ملرد تەڭگەگە وڭالتۋ قۇرالدارىمەن جانە الەۋمەتتىك قىزمەتتەرمەن قامتاماسىز ەتىلدى.
بۇگىنگى كۇنى جەرۇستى جانە جەراستى جاياۋ جۇرگىنشىلەر وتكەلدەرىنىڭ 56%-ى اربالارى بار مۇگەدەكتەر ءۇشىن قولجەتىمدى قولدا بار 140-تىڭ 79 بىرلىگى، 55 جەرۇستى جاياۋ جۇرگىنشىلەر كوتەرگىش پلاتفورمالارمەن، ال 67 جەراستى جاياۋ جۇرگىنشىلەر 38-كوتەرگىش مەحانيزمدەرمەن نەمەسە پاندۋستىق كىرەبەرىستەرمەن جابدىقتالعان.
تاۋەلسىزدىك مەرەيتويى جىلى قالادا الەۋمەتتىك قىزمەت كورسەتۋ ءۇيى اشىلدى. قىسقا مەرزىم ىشىندە مۇندا «ءبىر تەرەزە» قاعيداتى بويىنشا بارلىق الەۋمەتتىك قىزمەتتەردى الۋشىلار ءۇشىن قولايلى جاعدايلار جاسالعان. ماۋسىم ايىندا اشىلعان ساتتەن باستاپ مۇندا 39 مىڭنان استام قىزمەت كورسەتىلدى.
بۇدان باسقا، بەلگىلى تۇرعىلىقتى جەرى جوق ادامدارعا ارنالعان 143 توسەك-ورىندى ورتالىقتىڭ قۇرىلىسى باستالدى، 2022 جىلدىڭ سوڭىندا پايدالانۋعا بەرىلدى. سونداي-اق، اۋتيزم جانە باسقا دا پسيحيكالىق اۋىتقۋلارى بار بالالارعا ارنالعان ورتالىق اشۋ جوسپارلانۋدا.