ەلوردالىق تۇرعىن كورشىسىنىڭ التىن بۇيىمدارىن ۇرلاپ كەتكەن، – دەپ حابارلايدى aqshamnews.kz.
استانا قالاسى پد الماتى اۋدانى پب كريمينالدىق پوليسيا ءبولىمىنىڭ قىزمەتكەرلەرى تۇرعىننان تۇسكەن ارىز نەگىزىندە ۇرلىق جاسالعان ءىستىڭ بەتىن اشتى.
وقيعا بىلاي وربىگەن: جاقىندا عانا كوشىپ كەلگەن ايەل كورشىسىمەن تانىسۋ ماقساتىندا ونىڭ ۇيىنە بارادى. اڭگىمەلەسۋ بارىسىندا كۇدىكتى كىتاپ سورەسىنىڭ جانىندا تۇرعان التىن اشەكەي بۇيىمدارىن بايقاپ قالادى. سول ساتتە جابىرلەنۋشى ەسىك قوڭىراۋىن ەستىپ، كىرەبەرىسكە قاراي شىعىپ كەتكەندە، ايەل ارام ويىن جۇزەگە اسىرىپ، التىنداردى جىمقىرىپ كەتەدى. ءتارتىپ ساقشىلارى ءىستىڭ بارلىق ءمان-جايىن انىقتاپ، 30 جاستاعى كۇدىكتىنىڭ ۇرلانعان اشەكەيلەردى لومباردقا وتكىزگەنىن انىقتادى. پوليسەيلەر جابىرلەنۋشىنىڭ قۇنى شامامەن ءبىر جارىم ميلليون تەڭگە بولاتىن ەكى ساقيناسى، سىرعاسى مەن القاسىن تاۋىپ، يەسىنە قايتارىپ بەردى
جابىرلەنۋشى پوليسيا قىزمەتكەرلەرىنىڭ جەدەل ارەكەتىنە ريزاشىلىعىن ءبىلدىرىپ، العىسىن ايتتى.