قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى جانە ونىڭ اۋماقتىق بولىمشەلەرى مەملەكەتتىك قىزمەتتەر كورسەتۋ ساپاسىنا مەملەكەتتىك باقىلاۋدى جۇزەگە اسىرۋ بويىنشا ۇلكەن جۇمىستار جۇرگىزۋدە.
مەملەكەت باسشىسى مەملەكەتتىك قىزمەتشىلەردىڭ ازاماتتارعا قىزمەت كورسەتۋ ساپاسىن ارتتىرۋ، مەملەكەتتىك ورگاندار جۇمىسىنىڭ تيىمدىلىگىن ارتتىرۋ جانە كليەنتكە باعدارلانۋ قاجەتتىلىگىن بىرنەشە رەت ايتتى.
الماتى قالاسى بويىنشا اۋماقتىق دەپارتامەنتى ازاماتتار مەن زاڭدى تۇلعالاردىڭ مەملەكەتتىك ورگانداردىڭ نەمەسە لاۋازىمدى تۇلعالاردىڭ ارەكەتتەرىنە (ارەكەتسىزدىگىنە) جانە شەشىمدەرىنە مەملەكەتتىك كورسەتىلەتىن قىزمەتتەر ماسەلەلەرى بويىنشا وتىنىشتەرىن قارايدى. بۇزۋشىلىق فاكتىلەرى راستالعان جاعدايدا، بۇزىلعان قۇقىقتاردى قالپىنا كەلتىرۋ بويىنشا جەدەل شارالار قابىلدايدى.
سونىمەن قاتار، دەپارتامەنت جۇرگىزەتىن الدىن الۋ شارالارى بۇزۋشىلىقتاردىڭ تومەندەۋىنە ىقپال ەتەدى. ماسەلەن، 2022 جىلمەن سالىستىرعاندا 2023 جىلى مەملەكەتتىك قىزمەتتەر سالاسىندا انىقتالعان بۇزۋشىلىقتار سانى 2،5 ەسەگە ازايدى.
سونداي-اق، ءبىز قاشىقتان قول جەتكىزۋ رەجيمىندە مەملەكەتتىك قىزمەتتەردى كورسەتۋ بويىنشا جۇمىستاردىڭ جاي-كۇيىن زەردەلەۋ بويىنشا جۇمىستار جۇرگىزەمىز. اتاپ ايتقاندا، 2023 جىلدىڭ ەكىنشى جارتىجىلدىعىنان باستاپ رۇقسات قۇجاتتارىن بەرۋدەن باس تارتۋدى زەردەلەۋ بويىنشا ولاردىڭ نەگىزدىلىگى تۇرعىسىنان جۇمىستار بەلگىلى ءبىر ناتيجەلەردى كورسەتتى: ەكى مىڭنان استام بۇزۋشىلىق انىقتالدى، ناتيجەلەرى بويىنشا بۇزۋشىلىقتاردىڭ سەبەپتەرى مەن سالدارىن زەردەلەۋ بويىنشا جۇمىستار جۇرگىزىلۋدە جانە كىنالى ادامدار جاۋاپقا تارتىلۋدا.
ماسەلەن، الماتى قالاسى قالالىق جوسپارلاۋ جانە ۋربانيستيكا باسقارماسىنىڭ «قۇرىلىس جانە جوبالارىن ازىرلەۋ كەزىندە باستاپقى ماتەريالداردى ۇسىنۋ» مەملەكەتتىك قىزمەتىن كورسەتۋدەن باس تارتۋ سەبەبىنەن قىزمەت الۋشى ازامات ر. دەپارتامەنتكە شاعىممەن جۇگىندى.
ايتا كەتۋ كەرەك، قۇجاتتار ءتىزىمى جانە وسى قىزمەتتى كورسەتۋ پروسەدۋراسى وتە جەڭىلدەتىلگەن.
ونى ءساتتى كورسەتۋدىڭ شارتتارىنىڭ ءبىرى قالانىڭ كوممۋنالدىق قىزمەتتەرىنىڭ («الماتى سۋ» اق، «الماتى جىلۋ جەلىلەرى»اق جانە ت.ب.) قىزمەت كورسەتۋگە كەلىسىمىن الۋ بولىپ تابىلادى.
باسقارما اتالعان «الماتى سۋ» قىزمەتىنىڭ بىرىنەن تەرىس جاۋاپ العاننان كەيىن كورسەتىلەتىن قىزمەتتى الۋشىنىڭ مەملەكەتتىك قىزمەت كورسەتۋ تۋرالى وتىنىشىنە مەملەكەتتىك قىزمەت كورسەتۋدەن باس تارتتى.
ءبىراق بۇل رەتتە، مەملەكەتتىك ورگان ءوتىنىش بەرۋشىنىڭ ينجەنەرلىك جانە كوممۋنالدىق قامتاماسىز ەتۋ كوزدەرىنە قوسىلۋ ءۇشىن باسقا جەكە كوممۋنالدىق قىزمەتپەن شارت جاساسقانى ەسكەرىلمەدى، وعان زاڭنامادا تىيىم سالىنبايدى.
وسىلايشا، مەملەكەتتىك ورگان تاراپىنان بۇزۋشىلىق ارتىق قۇجاتتى تالاپ ەتۋ جانە ازامات ر. تاراپىنان شاعىمنىڭ نەگىزدى تۇسۋىنە اكەپ سوقتىرعان. بۇل - اۋرە-سارساڭ جاساۋ بولدى.
ق ر ۇلتتىق ەكونوميكا ءمينيسترىنىڭ 2015 جىلعى 30 قاراشاداعى №750 بۇيرىعىمەن بەكىتىلگەن مەملەكەتتىك قىزمەت كورسەتۋ قاعيدالارىنىڭ 41-تارماعىنىڭ 5)-تارماقشاسىنا جانە مەملەكەتتىك كورسەتىلەتىن قىزمەت ستاندارتىنا سايكەس، مەملەكەتتىك قىزمەت كورسەتۋدەن باس تارتۋ ءۇشىن نەگىزدەردىڭ ءبىرى ينجەنەرلىك جانە كوممۋنالدىق قامتاماسىز ەتۋ جونىندەگى كورسەتىلەتىن قىزمەتتەردى بەرۋشىنىڭ تەحنيكالىق شارتتاردى بەرۋدەن باس تارتۋى بولىپ تابىلادى. بۇدان باسقا، باس تارتۋ كەزىندە باسقارما كورسەتىلەتىن قىزمەتتى بەرۋشىنىڭ الدىن الا شەشىمى تۋرالى، مەملەكەتتىك قىزمەت كورسەتۋدەن باس تارتۋ تۋرالى، سونداي-اق تىڭداۋ وتكىزۋ تۋرالى حابارلامانى جۇزەگە اسىرمادى، وسىلايشا بۇل ءوتىنىش بەرۋشىنىڭ زاڭدى قۇقىقتارىنىڭ بۇزىلۋىنا اكەپ سوقتىردى.
وسىلايشا، دەپارتامەنت ارالاسقاننان كەيىن عانا ءوتىنىش بەرۋشىنىڭ قۇقىقتارىن قالپىنا كەلتىرۋ بويىنشا شارالار قابىلدانىپ، بۇل تۇرعىن ءۇي سالۋ ءۇشىن قاجەتتى ساۋلەت-جوسپارلاۋ تاپسىرماسىن بەرۋدە كورىنىس تاپتى.
كەزدەسەتىن بۇزۋشىلىق فاكتىلەرىن ەسكەرە وتىرىپ، دەپارتامەنت بارلىق ازاماتتاردىڭ مەملەكەتتىك قىزمەتتەردى الۋ كەزىندە ولاردىڭ قۇقىقتارى بۇزىلعان جاعدايدا ولاردى قالپىنا كەلتىرۋ ءۇشىن مەملەكەتتىك قىزمەت ىستەرى اگەنتتىگىنە جانە ونىڭ اۋماقتىق بولىمشەلەرىنە جۇگىنۋگە قۇقىلى ەكەنىن تۇسىندىرەدى، ويتكەنى ءبىزدىڭ ميسسيامىز - حالىققا قىزمەت كورسەتۋ ساپاسىن ارتتىرۋ جانە ءبىزدىڭ قىزمەتىمىزدىڭ تارتىمدىلىعىن قامتاماسىز ەتۋ.