نەسيە جانە سالىق-بيۋدجەت ساياساتىن قايتا جەتىلدىرۋ قاجەت.
ەلىمىز وتاندىق قارجى جۇيەسى جۇمىس ىستەگەن بارلىق ۋاقىت ىشىندە پايىزدىق ارنانىڭ تولىققاندى جۇمىس ىستەۋىنە قول جەتكىزە المادى. ءقازىر ەلدە تۇتىنۋشىلىق كرەديت الاتىندار كوپ، دەپ حابارلايدى Almaty-akshamy.kz
بۇل كورپوراتيۆتىك نەسيە ۇلەسىنىڭ قىسقارۋىنا اكەلەدى. مىسالى، 5 جىلدا بەرىلگەن قارىزدىڭ ىشىندە كورپوراتيۆتىك كرەديتتىڭ ۇلەسى 68-دەن 41%-عا دەيىن ازايىپ كەتكەن. بانكتەردە 11 ترلن تەڭگە وتىمدىلىگى جوعارى اكتيۆتەر بار. سوعان قاراماستان، كەز كەلگەن ماڭىزدى ەمەس جوبانى مەملەكەتتىك دامۋ ينستيتۋتى نەمەسە حالىقارالىق قارجى ۇيىمىنان نەسيە الىپ، باستاۋعا تۋرا كەلەدى.
پرەزيدەنت بۇنى اپاتتى جاعداي دەپ اتادى. ۇلتتىق بانك، قارجى نارىعىن رەتتەۋ اگەنتتىگىنە ۇكىمەتپەن بىرلەسىپ، بانكتەردى ەكونوميكانىڭ ناقتى سەكتورىنا كرەديت بەرۋگە تارتۋ ءۇشىن قوسىمشا ءتاسىل تابۋدى تاپسىردى.