نەگىزى قازاقستان اعاش قورى از مەملەكەتتەر قاتارىنا كىرەدى.
ونىڭ 70 پايىزعا جۋىعى وتىن، قالعانى وندىرىستىك ماقساتقا پايدالانىلادى، دەپ حابارلايدى Almaty-akshamy.kz.
ەل اۋماعىنىڭ 5 پايىزى عانا - ورماندى القاپ.
سوندىقتان تۇرعىندار تۇتاس ورماندار جويىلىپ جاتىر دەپ دابىل قاعىپ، ءجون-جوسىقسىز كەسىلىپ جاتقانىنا نارازى.
اق قايىڭدار ولكەسى سولتۇستىك قازاقستاندا 546 مىڭ گەكتار ورماندى القاپ بار، ونىڭ 6 مىڭنان استام گەكتارى جىل سايىن وتىنعا جانە وندىرىستىك ماقساتقا كەسىلەدى. ال ەگىلەتىنى 1 مىڭ گەكتارعا دا جەتپەيدى.
ودان بولەك، زاڭدى تۇلعالار ءبىر تەكشە مەتر قايىڭدى جازدىرىپ الۋ ءۇشىن 2900 تەڭگە تولەيدى. وتىن دايىنداۋشىلار ونى كەم دەگەندە 10 مىڭ تەڭگەگە ساتىپ، ەسەلەپ پايدا تابادى.