اجار عينيات ءقاۋىپتى ايماققا وتكەن كەزدە ەل بويىنشا قانداي شارالار قابىلداناتىنىن ايتتى.
دەنساۋلىق ساقتاۋ ءمينيسترى اجار عينيات ورتالىق كوممۋنيكاسيالار قىزمەتى الاڭىندا وتكەن بريفينگتە كۆي تارالۋى بويىنشا وڭىرلەردىڭ ءقاۋىپتى ايماقتارعا كوشۋى كەزىندەگى شارالار جوباسى جايلى ايتتى، دەپ حابارلايدى Almaty-akshamy.kz
ونىڭ ايتۋىنشا، قۇجات ۆەدومستۆوارالىق كوميسسيانىڭ كەلەسى وتىرىسىندا ۇسىنىلادى.
«سارى ايماققا وتكەن كەزدە ەل بويىنشا قانداي شارالار قابىلداناتىن بولادى؟ ناۋقاستارمەن بايلانىستا بولعاندارمەن جۇمىس، شەكتەۋ، ناۋقاستانعان، ۆاكسيناسياعا قارسى كورسەتىلىمدەرى بار قىزمەتكەرلەردى قاشىقتان جۇمىس ىستەۋگە اۋىستىرۋ، سونداي-اق قوعامدىق ورىنداردا جانە كولىكتە مىندەتتى تۇردە ماسكا تاعۋ سياقتى شارالار قابىلدانادى. قىزىل ايماققا وتكەن كەزدە، وڭىرلەردە سارى ايماقتا قابىلدانعان شارالارعا قوسىمشا ستاسيونار مەن مساك جۇكتەمەسىنە بايلانىستى حالىقتىڭ قوزعالىسىن جانە كاسىپكەرلىك سۋبەكتىلەرىنىڭ قىزمەتىن ەكى كەزەڭدە شەكتەۋ بويىنشا شارالار قولعا الىنادى»، - دەدى مينيستر.