پسيحيكالىق جاعداي يممۋندىق جۇيەگە قاتتى اسەر ەتەدى.
كوڭىل-كۇي ناشار بولسا، كوروناۆيرۋس ينفەكسياسىن جۇقتىرۋىڭ مۇمكىن، بۇل تۋرالى «راديو 1» ەفيرىندە ينفەكسيونيست سۆەتلانا مالينوۆسكايا ەسكەرتتى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ونىڭ ايتۋىنشا، پسيحيكالىق جاعداي يممۋندىق جۇيەگە قاتتى اسەر ەتەدى. سوندىقتان قورقىنىش، دۇربەلەڭ جانە كۇيزەلىس اياسىندا اعزانىڭ قورعانىسى تومەندەيدى.
مامان اۋرۋدىڭ قازىرگى دەڭگەيگە جەتۋى كوبىنەسە يممۋنيتەتتىڭ تومەندەۋىنە بايلانىستى ەكەنىنە سەنىمدى.
كوروناۆيرۋستىڭ پسيحيكاعا اسەرى سونشا، كەيدە پاسيەنت ءوز تۇيسىگىنە، مىسالى، ءوزىن-وزى قورعاۋ تۇيسىگىنە قارسى شىعۋى مۇمكىن، تۇيىقتالىپ، ەمدەۋدەن باس تارتادى، دەيدى ساراپشى.
ينفەكسيونيست قازىرگى ۋاقىتتا COVID-19-دىڭ ادامنىڭ تانىمدىق قابىلەتىنە اسەرى ءالى تولىق زەرتتەلمەگەنىن، ءبىراق كوروناۆيرۋس ناۋقاستىڭ پسيحيكاسىنا ايتارلىقتاي اسەر ەتىپ، جازىلعاننان كەيىن ۇزاق دەپرەسسياعا اكەلەتىنىن ايتتى.