نيۋ-يوركتەگى جاڭا جۇمىسىنىڭ العاشقى كۇنى بولاتىن.
2001 جىلى نيۋ-يوركتەگى بۇكىلالەمدىك ساۋدا ورتالىعىندا بولعان لاڭكەستىك شابۋىلدان 32 جاستاعى وتانداسىمىز جانەتتا سوي قازا تاپتى، دەپ حابارلايدى Almaty-akshamy.kz ەxk.kz-كە سىلتەمە جاساپ.
نيۋ-يورك مۇناراسىندا باستالعان جاڭا ءومىر.
2001 جىل 11 قىركۇيەك تاڭەرتەڭگى ساعات 9:00. بۇل كۇنى وتانداسىمىز جانەتتا سوي جاڭا ومىرگە العاشقى قادامىن باستى. ويتكەنى اقش-تاعى جاڭا جۇمىسىنىڭ العاشقى كۇنى بولاتىن. جولداسى ۆياچەسلاۆ ەكەۋى كوپتەگەن قيىنشىلىقتاردى ارتقا تاستاپ، ولاردى «جارقىن بولاشاق كۇتىپ تۇر» دەپ سەندى. بۇرىن تەك كينولاردان كورىپ جۇرگەن بيىك-بيىك اسپانمەن تالاسقان مۇنالاردىڭ اراسىمەن جانەتتا بۇكىلالەمدىك ساۋدا ورتالىعىنىڭ عيماراتىنداعى جاڭا جۇمىسىنا كەلدى. ءدال امەريكالىق كينوداعىداي ەدى.
32 جاستاعى الماتىلىق جانەتتا سوي امەريكاعا Marsh & McLennan كومپانياسىنىڭ قازاقستانداعى كەڭسەسىنەن اۋىسىپ كەلدى. ول وسىعان دەيىن وتباسىمەن بىرگە اقش-تا تۇرۋعا مۇمكىندىك بەرەتىن جاسىل كارتانى (گرين-كارتا) ۇتىپ العان ەدى. كەيىن ءوزى ەسەپشى بولىپ جۇمىس ىستەيتىن كومپانيا وعان نيۋ-يوركتەگى كەڭسەدە جۇمىس ىستەۋگە ۇسىنىس ءبىلدىردى. «مىنە تاعدىردىڭ سىيى» دەپ ويلادى سوي اۋلەتى. الايدا تاعدىردىڭ سىيىنىڭ ارتىندا سوي وتباسى ءۇشىن ەشقاشان ۇمتىلمايتىن جازىلماس قايعى جاسىرىنىپ تۇرعان ەدى.
«سول كۇنى جۇمىسقا قاتتى اسىقتى».
جانەتتا جۇمىسقا 17 قىركۇيەك شىعۋى ءتيىس بولعان. الايدا كومپانيا باسشىلىعى وعان ەرتەرەك شىعۋدى وتىنگەندىكتەن، ول العاشقى جۇمىس كۇنىن 11 قىركۇيەكتە باستادى (كەيبىر دەرەكتەردە 10 قىركۇيەك دەپ كورسەتىلەدى). بۇلاي اسىقپاعاندا، بالكىم ءتىرى قالار ما ەدى، كىم ءبىلسىن؟!
- ول سول كۇنى جۇمىسقا قاتتى اسىقتى. ۇلگەرمەي قالامىن دەپ قورىقتى. جاڭا جۇمىسىندا ءبارى ءساتتى باستالعانىن قالادى. الايدا ءبارى باسقاشا بولدى،
- دەيدى جولداسى ۆياچەسلاۆ ليگاي.
«ال-كايدا» (قازاقستاندا تيىم سالىنعان ۇيىم) سودىرلارى ۇشاقتى باسىپ الىپ بۇكىلالەمدىك ساۋدا ورتالىعىنىڭ عيماراتىنا باعىتتاپ، جارعان كەزدە، وتانداسىمىز جانەتتا ناعىز امەريكالىق بيكەشتەر قاتارىندا جۇمىس ىستەپ جاتقان ەدى.
سۇيەگى تەك جەتى ايدان كەيىن عانا تابىلدى.
بىرنەشە ايلار بويى جانەتتا قايتىس بولعاندار مەن ءتىرى قالعانداردىڭ تىزىمىندە بولمادى. العاشقى كۇندەرى ق ر سىرتقى ىستەر مينيسترلىگى قازا تاپقانداردىڭ اراسىندا قازاقستاندىقتار جوق ەكەنىن مالىمدەگەن بولاتىن. جانەتتانىڭ اتا-اناسى مەن جولداسى ونىڭ ءتىرى قالعانىنا سەنىمدى بولدى. الايدا جەتى اي وتكەننەن كەيىن ولاردىڭ ۇمىتتەرى ءۇزىلدى - ساراپتاما عيماراتتان تابىلعان سۇيەكتەردىڭ جانەتتاعا تيەسىلى ەكەنىن راستاپ بەردى.
- قىزىمىز قايدا جۇمىس ىستەيتىنىن بىلەمىز عوي. جاڭالىقتاردان كورسەتىپ جاتقاندا بىردەن وعان حابارلاستىق. تەلەفون تۇتقاسىن كوتەرمەدى. ۆياچەسلاۆ تا ءبىزدىڭ قوڭىراۋىمىزعا جاۋاپ بەرمەدى. تەك ءۇش كۇننەن كەيىن ونىڭ جوعالىپ كەتكەنىن بىلدىك، - دەيدى اناسى رايسا سوي.
جانەتتانىڭ تۋىستارى كۇيەۋ بالاسى ۆياچەسلاۆ پەن جيەنى الەكساندرانى بىرنەشە رەت ەلگە شاقىردى. الايدا اكەسى مەن قىزى ەلگە ورالۋدان باس تارتتى. ايتپاقشى، قىزى الەكساندرا ءقازىر سپورتتا ۇلكەن بەلەستەردى باعىندىرىپ ءجۇر.
- قازاقستانعا قايتپايمىز. ءتىرى بولسىن، ءولى بولسىن - مەنىڭ ايەلىم وسىندا. ول وسىندا بولعان كەزدە، ءبىز ونىڭ قاسىنان تابىلامىز، - دەيدى ۆياچەسلاۆ سوي.
جانەتتانىڭ ەسىمى تاسقا ويىلىپ جازىلدى.
سوي وتباسى ءار جىلدىڭ 11 قىركۇيەگىندە جانەتتانى ەسكە الىپ، ونىڭ قابىرىنە بارىپ تۇرادى. اقش-تاعى قازاقستاندىقتار دا وسى كۇنى جانەتتانىڭ ەسىمى ويىلىپ جازىلعان «11 قىركۇيەك» مەموريالىنا بارىپ، گۇل شوقتارىن قويادى. 2015 جىلى مەموريالعا ق ر تۇڭعىش پرەزيدەنتى نۇرسۇلتان نازاربايەۆ تا بارىپ، تەراكت قۇرباندارىن ەسكە الۋ راسىمىنە قاتىستى.