كوروناۆيرۋستىڭ جاڭا ءتۇرى ءورشىپ بارادى

اقش-تا كوۆيدتىڭ «Eris» دەپ اتالاتىن ءتۇرى تەز تاراپ جاتىر.

سوڭعى اپتادا بۇل ۆيرۋستى جۇقتىرىپ اۋرۋحاناعا تۇسكەندەر سانى كۇرت ارتقان، دەپ حابارلايدى Almaty-akshamy.kz 24.kz-كە سىلتەمە جاساپ. 

دارىلەرلەر كوۆيد كۇزگە قاراي ءتىپتى ءورشۋى مۇمكىن دەپ دابىل قاعىپ وتىر. كوۆيدتتىڭ «Eris» دەپ اتالاتىن ءتۇرى ءقازىر اقش-تاعى نەگىزگى شتاممداردىڭ بىرىنە اينالدى. بۇل – وميكروننىڭ سۋبۆاريانتى، وتە جۇقپالى سانالادى. تامىزدا اقش-تا تىركەلگەن ناۋقاستاردىڭ بەستىن بىرىنەن ينفەكسيانىڭ وسى ءتۇرى انىقتالدى.

«سوڭعى بىرنەشە اپتادا ىندەتتىڭ ورشىگەنىن بايقادىق. ءوزىن جايسىز سەزىنىپ كەلگەن ناۋقاستاردىڭ كوبىندە كوۆيد بار ەكەنى انىقتالدى. بۇعان دەيىن بىزگە كەلەتىندەردىڭ ورتا ەسەپپەن 2-4% ينفەكسيا شىقسا، وتكەن اپتادا بۇل كورسەتكىش شامامەن 12%-عا جەتتى»، - دەيدى لونگ-ايلەند اۋرۋحاناسىنىڭ جەدەل جاردەم ءبولىمىنىڭ جەتەكشىسى فرەدەريك ديەۆيس.

ۆيرۋس جۇقتىرىپ، اۋرۋحاناعا كەلۋشىلەر كوبەيىپ بارادى. سوڭعى ەكى اپتادا ورتاشا تاۋلىكتىك ستاتيستيكا 20 پايىزعا وسكەن. جالپى ەلدەگى ەپيد-احۋال كۇن سۋىعان سوڭ ءتىپتى ۋشىۋى مۇمكىن.

«ءبىز جاعدايدى باقىلاپ وتىرمىز. كۇزدە ىندەتتىڭ تارالۋى بەلەڭ الادى. سەبەبى، اۋا رايى سۋتادى. بالالار دا مەكتەپكە ورالا باستادى. سوندىقتان ەپيد-احۋال الاڭداتىپ وتىر»، - دەيدى نيۋ-يورك قالالىق ۋنيۆەرسيتەتى ەپيدەميولوگيا كافەدراسىنىڭ پروفەسسورى دەنيس ناش.

اقش-تىڭ اۋرۋلاردى باقىلاۋ ورتالىعى قازان ايىندا عانا ىندەتتىڭ جاڭا تۇرىنە توتەپ بەرەتىن ەكپەنى شىعارۋعا رۇقسات بەرۋى مۇمكىن. ال دارىگەرلەر قازىرگى ۆاكسينالار وميكروننىڭ جاڭا سۋبۆاريانتىنا تولىق قارسى تۇرا المايدى دەپ الاڭدايدى.