دۇنيەجۇزىلىك دەنساۋلىق ساقتاۋ ۇيىمىنىڭ حابارلاۋىنشا، ۇزاققا سوزىلاتىن كوروناۆيرۋستىڭ 200-دەن اسا سيمپتومى انىقتالعان، دەپ حابارلايدى almaty-akshamy.kz BAQ.KZ سىلتەمە جاساپ.
ولاردىڭ ىشىندە ەڭ ءجيى كەزدەسەتىنى - ەنتىگۋ، كوگنيتيۆتى ديسفۋنكسيا جانە شارشاۋ. بۇل تۋرالى ددسۇ وكىلى دجانەت دياس ايتتى، دەپ حابارلادى ريا نوۆوستي.
ءقازىر COVID-19 جۇقتىرىپ، ۇزاق ۋاقىت اۋىرعان ادامدا ەنتىگۋ، ديسفۋنكسيا، سونداي-اق شارشاۋ بايقالادى. بۇل - ەڭ كوپ تارالعان ءۇش سيمپتوم. الايدا ءىس جۇزىندە پاسيەنتتەردە 200-دەن اسا بەلگى انىقتالعان. سوندىقتان ءتىزىم وتە ۇزاق، - دەدى دياس ونلاين باعدارلاما بارىسىندا.
ول كەيبىر مالىمەت بويىنشا بۇل بەلگىلەر ءۇش-توعىز ايعا دەيىن سوزىلۋى مۇمكىن ەكەنىن ايتتى.
دياستىڭ ايتۋىنشا، ۆيرۋس جۇقتىرىپ، جازىلعاننان كەيىنگى سيندرومى بار ناۋقاستارعا دارىگەرلەر، پسيحولوگتار جانە الەۋمەتتىك قىزمەتكەرلەردىڭ كومەگىنە جۇگىنۋگە تۋرا كەلەدى.
ناقتى ەمدەۋگە كەلەتىن بولساق، ونىڭ ەمى ءالى جوق. سەبەبى ناقتى زەرتتەۋ جوق. ءبىز اۋرۋدىڭ دامۋىنىڭ ناقتى سەبەبى نەمەسە مەحانيزمى تۋرالى كوبىرەك بىلە وتىرىپ، ارنايى ەم تاعايىنداۋعا قاۋقارلى بولامىز دەپ ۇمىتتەنەمىز، - دەپ ءتۇسىندىردى ددسۇ وكىلى.