الماتى "تولە بي" مەشىتىنىڭ ۇستازى باۋىرجان كوپتىلەۋوۆ ۆاكسينالاردىڭ ارقاسىندا مىڭداعان ادامنىڭ ءومىرىن ساقتاپ، ۇجىمدىق قىزمەتتەرگە تەزىرەك ورالۋعا بولاتىنىنا سەنىمدى.
ب. كوپتىلەۋوۆ ۆاكسينالار قوعامدى قۇتقارۋ ءۇشىن جاسالعان دەپ ەسەپتەيدى.
"قاستاندىق تەورياسىنا سەنبەۋ كەرەك، ءدىن ماسەلەلەرىندە يمامداردى، مەديسينا ماسەلەلەرىندە دارىگەرلەردى تىڭداۋ كەرەك. ءقازىر كوروناۆيرۋستىڭ ءتورتىنشى تولقىنىنىڭ شىرقاۋ شەگى جاقىنداپ كەلەدى، ادامدار جاپپاي اۋىرادى، قىسقا مەرزىمدە حالىقتى ۆاكسينالاۋ كەرەك. ادام ءومىرىن ساقتاۋ جانە قۇتقارۋ ءۇشىن جاسالىپ جاتقان بارلىق ىستەرگە شاريعات تىيىم سالمايدى، كەرىسىنشە، قۇپتالادى"، – دەدى "تولە بي" مەشىتىنىڭ ۇستازى. سونداي-اق پايعامبارىمىزدىڭ س.ع.س ”وزىڭە دە وزگەگە دە زيان تيمەسىن” دەگەن ءحاديسىن ەسكە سالدى.
ءسوز سوڭىندا ءدىن قىزمەتكەرى شاريعاتقا سايكەس، ەگەر ءبىر ادام ءومىرىن ساقتاپ قالسا، بۇل بۇكىل الەمدى قۇتقارۋمەن تەڭ، سوندىقتان ءبىر-بىرىڭىزدى سانيتارلىق-ەپيدەميولوگيالىق نورمالاردى ساقتاۋعا، بەتپەردە تاعۋعا شاقىرۋىڭىز كەرەك.
ءتيىستى مالىمدەمەدە قازاقستان مۇسىلماندارى ءدىني باسقارماسى ادال مۇسىلمانداردى جاقىندارى مەن باۋىرلارىنىڭ دەنساۋلىعى مەن ءومىرىن ساقتاۋ ءۇشىن ۆاكسينادان وتۋگە شاقىردى.
"وزدەرىڭىز بىلەتىندەي، ءبىزدىڭ ەلىمىزدە جانە الەمدە ىندەتپەن بايلانىستى جاعداي كۇردەلى. كۇن سايىن ءبىر وتباسىنان بىرنەشە ادام جۇقپالى اۋرۋدان قايتىس بولادى. بۇل ۆاكسينانىڭ قاجەتتىلىگىن كورسەتەدى. سوندىقتان دەنساۋلىعىمىز بەن ءومىرىمىزدى ساقتاپ قالۋ ءۇشىن ۆاكسينادان وتۋگە شاقىرامىز"، – دەلىنگەن قمدب حابارلاماسىندا.